თუ საქართველოს პრეზიდენტმა შეძლო, ბრიუსელში დიდი ხნის წინ დაგეგმილი ვიზიტი გადადო, დარწმუნებული ვარ, მთავრობის წევრებისთვისაც აფხაზეთში შექმნილ ვითარებაზე მნიშვნელოვანი საკითხი დღეს არ არსებობს - ამის შესახებ, უშიშროების საბჭოს მდივანმა ირია იმერლიშვილმა განაცხადა.
მისი თქმით, ეროვნულიუშიშროების საბჭოს შეკრებისთვის კვორუმი არ არის დაწესებული და მნიშვნელობა არ აქვს საბჭოს სხდომას რამდენი წევრი დაესწრება.
"წერილების გაგზავნა არსად არის რეგლამენტირებული. აუცილებელი არ არის გაიგზავნება თუ არა წერილი, ამით არ ინიშნება ეროვნული უშიშროების საბჭო, არამედ საქართველოს კონსტიტუციაში წერია, რომ ეროვნული უშიშროების საბჭოს ნიშნავს საქართველოს პრეზიდენტი. როგორც კი პრეზიდენტმა დანიშნა, ეს გავიდა პირდაპირ ეთერში", -განაცახდა იმერლიშვილმა.
ცნობილია, რომ უშიშროების საბჭოს სხდომას ვერ დაესწრება საბჭოს 3 მუდმივმოქმედი წევრი, ქვეყანაში არ ყოფნის გამო ვერ დაესწრება.
შეგახსენებთ, პრეზიდენტმა უშიშროების საბჭოს სხდომა 28 ოქტომბერს მოისწვია. სხდომაზე დასასწრებად, მუდმივოქმედ წევრებთან ერთად, მიწვეულნი არიან - ორი სახელმწიფო მინისტრი პაატა ზაქარეიშვილი და ალექსი პეტრიაშვილი, ასევე საგარეო ურთიერთობათა კომიტეტის თავმჯდომარე თედო ჯაფარიძე, თავდაცვის კომიტეტის თავმჯდომარე ირაკლი სესიაშვილი და ევროპასთან ინტეგრაციის კომიტეტისთ თავმჯდმარე ვიქტორ დოლიძე.