2015 წლიდან აბიტურიენტებს, შესაძლოა, გამოცდის ჩაბარება სამოქალაქო განათლებაში მოუხდეთ. როგორც ,,ჯი-ეიჩ-ენთან" საუბარში გამოცდების ეროვნული ცენტრის ხელმძღვანელმა მაია მიმინოშვილმა განაცხადა აბიტურიენტებისთვის სამოქალაქო განათლებაში გამოცდის ჩაბარება სავალდებულოა არ იქნება და სის არჩევითი საგნების ნუსხის ჩამონათვალში მოხვდება.
მისივე განცხადებით, შევა თუ არა სამოქალაქო განთლება არჩევითი საგამოცდო საგნების ჩამონათვალში, გადაწყვეტილებას უშუალოდ უმაღლესი სასწავლებლების ხელმძღვანელები მიიღებენ.
„საგანი იქნება არჩევითი საგნების ნუსხაში და დაემატება მხოლოდ იმ შემთხვევაში თუ ამის შესახებ გადაწყვეტილებას უმაღლესი სასწავლებელი მიიღებს. 2005 წლიდან დაწყებული, როცა ეთიანი ეროვნული გამოცდა შემოვიდა როგორც ახალი საგამოცდო სისტემა აბიტურიენტებს უწევთ დაელოდონ უმაღლესის სასწავლებლის გადაწყვეტილებას მეოთხე არჩევითი გამოცდის ჩაბარებასთან დაკავშირებით, რადგან უმაღლესი სასწავლებელი იღებს გადაწყვეტილებას კონკრეტულ ფაკულტეტზე რომელი საგანი გამოაცხადოს სავალდებულოდ, რასაც ჩვენ შემდგე ოფიციალურად ვაქვეყნებთ. ასევე იქნება წელსაც. Aამ ეტაპზე ანკეტა-კითხვარების შევსების პროცედურაა, უმაღლესი სასწავლებლები ავსებენ მას, სადაც საკუთარ მოთხოვნებს აფიქსირებენ. ეს არ ეხება მხოლოდ არჩევით საგანს, მოთხოვნებში შედის უნდა თუ არა უმაღლეს სასწავლებელს ბაჟის დაწევა რომელიმე კონკრეტულ საგანში, აქვს თუ არა სპეციფიური მოთხოვნები, მაგალითად, უცხო ენასთან დაკავშირებით და ა.შ. ასე რომ, ბევრი მოთხოვნა რომელზეც გადაწყვეტილებას უმაღესი სასწავლებლები იღებენ თავსდება ანკეტა-კითხვარში, რომელიც შემდეგ ოფიციალურად ქვეყნდება და ეს როგორც წესი, წინა წლებს თუ გავითვალისწინებთ, იანვარში ხდება. ასე რომ, აბიტურიენტებს სხვა საგნებთან დაკავშირებითაც არ აქვთ ინფორმაცია", _განაცხადა მიმინოშვილმა, რომელიც კითხვაზე ამ ეტაპზე რითაა განპირობებული აღნიშნული ინიციატივა პასუხობს.
,,პირველ რიგში დიდი მადლობა, რომ ამ ინიციატივამ ასეთი ინტერესი გამოიწვია. თუმცა მე კითხვას სხვაგვარად დავსვამდი აქამდე რატომ არ გახდა ინიციატივა აუცილებელი. ალბათ, ყველა ჩვენგანი ერთმნიშვნელოვნად ვთანხმდებით რამდენად მნიშვნელოვანია საგანი სამოქალაქო განათლება საშუალო განათლების საფეხურზე", _განაცხადა მიმინოშვილმა ,,ჯი-ეიჩ-ენთან" საუბარში.
მისივე განმარტებით, სამოქალაქო განათლება სავალდებულო საგანი უკვე არის სკოლების მე-9 და მე-10 კლასებში, ხოლო მომდევნო საფეხურებზე ის უკვე არჩევითია. რაც შეეხება უფრო დაბალ საფეხურებს, მაია მიმინოშვილის განცხადებით, განათლების სამინისტრო მუშაობს, რომ საგნის სწავლება უფრო ინტენსიური გახდეს.
მასალის გამოყენების პირობები