,ნაცმოძრაობის" წევრი ნუგზარ წიკლაური ,,ჯი-ეიჩ-ენთან" საუბარში აცხადებს, რომ აშშ-ის სახელმწიფო დეპარატამენტი თანმიმდევრულია იმ შეფასებაში რომელიც კეთდება საქართველოში პოლიტიკურ დევნასთან დაკავშირებით. როგორც წიკლაურმა საკითხის კომენტირებისას განაცხადა აშშ-ის სახელმწიფო დეპარტამენტის განცხადება კიდევ ერთხელ ადასტურებს რომ პოლიტიკურ დევნასთან დაკავშირებით საქართველოში შეშფოთების საფუძველი უფრო ღრმავდება.
,,აშშ-ის სახელმწიფო დეპარატამენტი არის თანმიმდევრული იმ შეფასებაში რომელიც კეთდება საქართველოში პოლიტიკურ დევნასთან დაკავშირებით. აღნიშნული განცხადებაც ადასტურებს იმას, რომ შეშფოთების საფუძველი ჩვენს ქვეყანაში უფრო და უფრო ღრმავდება და სახელმწიფო დეპარტამენტი მოუწოდება ხელისუფლებას გააკეთონ ყველაფერი, რათა სამართლებრივი მექანიზმების აღქმა არ მოხდეს პოლიტიკური დევნის იარაღად", _განაცხადა წიკლაურმა.
მისივე განცხადებით, პოლიტიკური ოპონენტების დევნა და ციხეში ჩასმა აზარალებს ქვეყნის იმიჯს.
,,მას შემდეგ რაც ევროპის საბჭოს საპარლამენტო ასამბლეამ გააკეთა მსგავსი ტიპის განცხადებები, იგივე აშშ-ის სახელმწიფო დეპარტამენტმა, საფრანგეთისა და საბერძნეთის სასამართლოებმა მიიღეს გადაწყვეტილებები და არ გადმოსცეს საქართველოს პირები, რადგან აქ არის პოლიტიკური დევნა, ამ ფონზე საქართველოს ხელისუფლებამ უფრო მეტი უნდა იფიქროს იმაზე, რომ მათი ვიწრო ინტერესები როგორმე დევნოს, ციხეში მოათავსოს პოლიტიკური ოპონენტები აზარალებს საერთაშორისო ასპარეზზე ქვეყნის იმიჯს", _განაცხადა წიკლაურმა ,,ჯი-ეიჩ-ენთან" საუბარში.
მისივე თქმით, შეფასები რომელიც საქართველოსთან მიმართებაში აკეთებს აშშ-ის სახელმწიფო დეპარტამენტი და სხვა სახელმწიფოები არ უნდა აღვიქვათ მხოლოდ განცხადებების დონზე, რადგან ის სამომავლოდ აისახება როგორც ეკონომიკურ კავშირებზე, ასევე საქართველოს უსაფრთხოებაზე.
შეერთებული შტატები ყურადღებით ადევნებს თვალს საქართველოში ყოფილი ჩინოვნიკების წინააღმდეგ მიმართულ სასამართლო პროცესებს და შეახსენებს ქვეყნის მთავრობას, რომ იურიდიული სისტემა პოლიტიკური მიზნებისათვის არ უნდა იყოს გამოყენებული, - განაცხადა აშშ-ის სახელმწიფო დეპარტამენტის ოფიციალურმა წარმომადგენელმა ჯენი ფსაკმა, რომელმაც, ჟურნალისტთა თხოვნით, კომენტარი გაუკეთა თბილისის საქალაქო სასამართლოს მიერ ექს-მინისტრ ბაჩანა ახალაიას მიმართ გამოტანილ განაჩენს.
„ჩვენ კვლავ მივაპყრობთ საქართველოს მთავრობის ყურადღებას კანონიერებისა და პროცესუალური ნორმების დაცვაზე და ვიკვლევთ [ამ მოქმედების] გამჭვირვალეობის საკითხს, რათა არ იყოს იმის შეგრძნება, რომ იურიდიული სისტემა პოლიტიკური ანგარიშსწორებისთვის გამოიყენება", - აღნიშნა ამერიკელმა დიპლომატმა. მან ჟურნალისტებს შეახსენა, რომ შეერთებული შტატები ადრეც გამოხატავდა შეშფოთებას საქართველოში ზოგიერთი სასამართლო საქმის მიმართ და შეშფოთების საფუძველი ჯერ კიდევ არსებობს".
ამასთან, ჯენი ფსაკმა განაცხადა, რომ მას არ სურს ცალკეულ საქმეებზე ილაპარაკოს იმდენად, რამდენადაც ყოველ საქმეს თავისი სპეციფიკა აქვს. „მაგრამ იქ გამოტანილი განაჩენების მთელი სერია იყო და ამიტომაც თავის დროზე ამ მიზეზით ჩვენი შეშფოთება გამოვთქვით". „ჩვენ მხარს ვუჭერთ საქართველოს დემოკრატიულ განვითარებას, რომელიც პოლიტიკური პლურალიზმსა და ღია დებატებისადმი პატივისცემაში გამოიხატება"