რუსეთის ფედერაციასა და ოკუპირებულ აფხაზეთის მთავრობას შორის "მოკავშირეობისა და ინტეგრაციის" შესახებ, დაგეგმილი ხელშეკრულების შესახებ, პარლამენტში კომიტეტების გაერთიანებულ სხდომაზე მსჯელობენ.
კანონმდებლებს საკითხის შესახებ ინფორმაცია საგარეო საქმეთა მინისტრის პირველი მოადგილე დავით ზალკალიანი აცნობს.
შეხვედრაზე ერთ-ერთი განსახილველი საკითხი, ასევე ჟენევის მოლაპარაკებების 29-ე რაუნდის გამართვის დრო იქნება.
სხდომას ესწრება უმცირესობის წევრი ზურაბ ჭიაბერაშვილი.
მისი თქმით, საგარეო საქმეთა მინისტრმა შეცდომა დაუშვა, როდესაც განაცხადა, რომ თუ რუსეთი აფხაზეთთან დაგეგმილ ხელშეკრულებას ხელს მოაწერს, ჟენევის მოლაპარაკებები აზრს კარგავს.
"მინისტრმა ფანჯიკიძემ დაუშვა ძალიან სერიოზული შეცდომა, როდესაც პირველმა განაცხად, რომ თუ რუსეთი აფხაზეთთან დაგეგმილ ხელშებას ხელს მოაწერს, ჟენევის ფორმატი კარგავს აზრს. ქართული მხარისთვის ამ ფორმატის ჩაშლის დაბრალება იქნება ძალიან დიდი ზიანის მომტანი. ეს იყო რუსულ თამაშზე აყოლა", - განაცხადა შეხვედრის დაწყებამდე ჭიაბერაშვილმა.
