განათლებისა და მეცნიერების მინისტრის თამარ სანიკიძე სოფელ მოხეში სადავო შენობასთან დაკავშირებულ საკითხებს გამოეხმაურა და აღნიშნა, რომ ყველა ადამიანი, განურჩევლად აღმსარებლობისა, კანონს უნდა დაემორჩილოს.
"ეს თემა არის სპეციფიური, სენსიტიური, მაგრამ მორალი ერთია, თუმცა როცა არსებობს კანონი, ეს ყველასთვის ერთია - ქრისტიანისთვის, მუსლიმანისთვის, ქართველისთვის თუ აზერბაიჯანელისთვის, ყველა კანონს უნდა დაემორჩილოს. დანარჩენი ურთიერთობის და მოლაპარაკების საკითხია",- განაცხადა სანიკიძემ მთავრობის სხდომის შემდეგ.
განათლების მინისტრი ადიგენის რაიონის სოფელ მოხეში მომხდარი ინციდენტის გამო მოსაზღვრე სამ სოფელში ჩაშლილ სასწავლო პროცესსაც გამოეხმაურა.
"საუბარია სამ სოფელზე, რომლის ინტერესებსაც ეს სამლოცველოს თემა წარმოადგენდა, სამწუხაროდ, ის სწავლის პროცესი შეფერხებულია, თუმცა პედკოლექტივი ადგილზეა. ისინი დღესაც ელოდებიან ბავშვებს და თუ მივლენ, გაკვეთილები ჩატარდება. სხვა შემთხვევაში, ჩვენ პროცედურების დაცვა და ყველა იმ ზომის მიღება მოგვიწევს, რაც ასეთ შემთხვევაშია მისაღები არების დაწერა და ა.შ. რესურცენტრი პედაგოგებს, მშობლებს, დირექტორს ესაუბრა, იმედი მაქვს, ეს პრობლემა მალე მოგვარდება და მშობლებს არ დავაზიანებთ",- განაცხადა სანიკიძემ.