კუდის ყოფილი უფროსი დათა ახალაია ,,საზოგადოებრივი მაუწყებლისთვის" მიცემულ ინტერვიუში საბერძნეთის სასამართლოს გადაწყვეტილებას ეხმიანება და აცხადებს, რომ გადაწყვეტილებით დადასტურდა, რომ საქართველოში მის წინააღმდეგ პოლიტიკური დევნა ხორციელდება.

,, კიდევ ერთმა სასამართლომ დაადასტურა, რომ საქართველოში არის პოლიტიკური დევნა. ადამიანებს პოლიტიკურად უთითხნიან საქმეებს და ჩვეულებრივად მოხდა ის რასაც მოველოდი. მთელი ევროპა და მთელი თანამედროვე სამყარო გაკვირვებულია იმით, რაც საქართველოში ტარდება. დიდი მადლობა სასამართლოს, რომელმაც გაიზიარა ჩემი პოზიცია და გამამართლა ყველა იმ საქმეში, რაც საქართველოში შემითითხნეს", - განაცხადა დათა ახალაიამ.
შაბერძნეთის სასამართლომ კუდის ყოფილი უფროსის დათა ახალაიას საქართველოში ექსტრადიციაზე უარი თქვა. ამის შესახებ, ინფორმაციას სოციალურ ქსელში თავდაცვის ყოფილი მინისტრის ბაჩო ახალაიას მეუღლე ანი ნადარეიშვილი ავრცელებს.
კუდ-ის ყოფილი უფროსი საბერძნეთში რამდენიმე თვის წინ დააკავეს. წინასწარი ინფორმაციით, ის საბერძნეთიდან იტალიაში გადასვლას გაყალბებული საბუთებით ცდილობდა. ახალაიას გირაოს სახით 100 000 ევროს გადახდა დაეკისრა. თანხის გადახდის შემდეგ ის გაათავისუფლეს.