"საქართველო სამხერთ ოსეთზე ილაპარაკებს ზუსტად იმდენს რამდენ ხანსაც იარსებებს, მაგრამ ის არასოდეს არ დაიძრება იმ ტერიტორიებისაკენ სადაც რუსული სამხედრო ნაწილები დგას",_ აცხადებს ცხინვალში მყოფი რუსი პოლიტოლოგი და საზოგადო მოღვაწე სერგეი კურგინიანი.
მისივე თქმით, საქართველო ვერ გაბედავს ე.წ. სამხრეთ ოსეთის წინააღმდეგ "აგრესიის განხორციელებას", მანამ ვიდრე რესპუბლიკის ტერიტორიაზე რუსული სამხედრო კონტიგენტი იდგება.
"საქართველო სამხერთ ოსეთზე ილაპარაკებს ზუსტად იმდენს რამდენ ხანსაც იარსებებს, მაგრამ ის არასოდეს არ დაიძრება იმ ტერიტორიებისაკენ სადაც რუსული სამხედრო ნაწილები დგას. ისინი გიჟები არ არიან და კარგად ესმით თუ რაშ შეიძლება უქადდეს ეს თბილისს",_ აცხადებს კურგინიანი.
ინფორმაციის კომენტირებისას, რომლის მიხედვითაც შესაძლოა საქართველოში აშშ რაკეტსაწინააღმდეგო თავდაცვის ნაწილები განთავსდეს კურგინიანმა განაცხადა: "რუსეთი კი განათავსებს იმას, რაც საჭიროა ამ სისტემის წამში განადგურებისათვის".
"ქართველებმა უნდა გაიგონ, რომ რუსული პასუხი მკაფიო იქნება. სისტემა, რომელიც საქართველოში განთავსდება, ნებისმიერი კონფლიქტის სიტუაციაში რუსეთის მიერ წამის მეთასედში უნდა იყოს განადგურებული.
და ქართველ ხალხსაც უნდა ესმოდეს, რომ ჩვენ, რა თქმა უნდა, მასობრივი განადგურების არავითარი იარაღის გამოყენებას არ ვაპირებთ, მაგრამ ეს იქნება წერტილოვანი აქცია",_ ამბობს ის.
მისივე თქმით, ვიდრე რუსეთის ტერიტორიებზე ახალი "გორბაჩოვიზაცია" არ მოხდება, ცხინვალმა უნდა იცოდეს, რომ მისი მდგომარეობა საკმაოდ საიმედოა.
"არ არსებობს ისეთი შეშლილი ქართველი პოლიტიკოსი, რომელიც იმ ტერიტორიაზე სადაც რუსეთია თავისი შეიარღებული ძალების სიმძლავრის გამოცდას მოინდომებს",_ აღნიშნავს ბოლოს რუსი ექსპერტი.
