კორუფციასთან ბრძოლის ფონდის დამფუძნებელი, პროგრესის პარტიის ლიდერი ალექსეი ნავალნი აცხადებს, რომ ყირიმი რუსეთის ნაწილია. განცხადება ამის შესახებ, მან რადიოსადგურ "ეხო მოსკვის" ეთრში გააკეთა.
"მიმაჩნია, რომ მიუხედავად იმისა, რომ ყირიმი ხელში იქნა ჩაგდებული ყველა საერთაშორისო ნორმების დარღვევით, მიუხედავად ამის, რეალობა ასეთია, რომ ყირიმი ახლა რუსეთის ფედერაციის ნაწილია. და მოდით თავს ნუ მოვიტყუებთ. უკრაინელებსაც ვურჩევ ძალიან ნუ მოიტყუებენ თავს. ის დარჩება რუსეთის ნაწილად და მეტი უკვე აღარასოდეს არ იქნება უკრაინის ნაწილი",_ აცხადებს ნავალნი.
კითხვაზე პასუხის გაცემისას, ის რომ რუსეთის პრეზიდენტი გახდეს დააბრუნებს თუ არა ყირიმს, ნავალნი პასუხობს, რომ საჭიროდ არ მიიჩნევს მის "აქეთ-იქით დაბრუნებას" და ყირიმის ძეხვთან ან ბუტერბროდთან შედარებას.
ნავალნი აღნიშმავს, რომ ყირიმში სამართლიანობის აღდგენისათვის საჭიროა "ნორმალური რეფერენდუმის ჩატარება" იმისათვის რათა ნახევარკუნძულის ბედი იქ მცხოვრებმა ადამიანებმა გადაწყვიტონ.
"მიმაჩნია, რომ ყველა ჩვენგანს დაახლოებით წარმოუდგენია, თუ როგორი იქნება ამ რეფერენდუმის შედეგები. აი როგორც გადაწყვეტენ - ისე იქნება. მიმაჩნია, რომ უკრაინისათვის, მიუხედავად წყენისა - ეს პლიუსია. ეს აბსოლუტური ბედნიერებაა, რომ ყირიმი აბსოლუტურად პრორუსი ხალხით, კონსერვატიურლად განწყობილი მოსახლეობით, რომელიც არ იღებს მათ ანტიკორუფციულ რევოლუციას და არც ავლენს ევრპისკენ სვლის სურვილს - წავიდა მათგან. მათ ორი მილიონი ამომრჩეველი მოაკლდათ, რომლებიც ამ მოძრაობას ანელებდდნენ",_ აცხადებს ალექსეი ნავალნი.
