საგარეო საქმეთა მინისტრის მაია ფანჯიკიძის განცხადებით, იმ ფონზე როცა დეფაქტო პარლამენტში რუსეთსა და აფხაზეთს შორის "მოკავშირეობისა და ინტეგრაციის" შესახებ შეთანხმების კანონპროექტს განხილება უკეთესია პრემიერ-მინისტრის სპეციალური წარმომადგენელის რუსეთთან ურთიერთობის საკითხებში ზურაბ აბაშიძისა და რუსეთის საგრეო უწყების ხელმძღვანელის მოადგილის გრიგოლი კარასინს შეხვედრა.
,,რაც შეხება ფორმატს კარისინი-აბაშიძის და მის ჩატარება, არ ჩატარების საკითხს ხვალ უნდა შედგეს ეს შეხვედრა პრაღაში. ვფიქრობ, პირად, ასეთ ვითარებაში უკეთესია შეხვედრის ჩატარება, რადგან, რა თქმა უნდა, აბაშიძე-კარასინი პირველ რიგში, ილაპარაკებენ არა ხილ-ბოსტანზე, არამედ პირველ რიგში ამ თემაზე მიუხედავად იმისა ეს არ არის ფორმატი სადაც მსგავსი საკითხები განიხილება. ძალიან ძნელი იქნება და ეს არც მოხდება რომ ისინი გადავიდნენ ჰუმანიტარულ ურთიერთობებზე, ეკონომიკურ საკითხებზე და ღვინის ბაზარზე შეტანაზე, მაშინ როდესაც ასეთი სერიოზული შეშფოთების საგანია", _განაცახდა ფანჯიკიძემ.
16 ოქტომბერს, პრემიერ-მინისტრის სპეციალური წარმომადგენელი რუსეთთან ურთიერთობის საკითებში ზურაბ აბაშიძე რუსეთის საგრეო უწყების ხელმზრვანელის მოადგილეს გრიგოლი კარასინს შეხვდება. როგორც ჟურნალისტებთან აბაშიძემ განაცხადა შეხვედრაზე მთავარი თემა რუსეთსა და ოკუპირებულ აფხაზეთს შორის მოკავშირეობისა და ინტეგრაციის შესახებ შეთანხმების პროექტი იქნება.
პრემიერის სპეციალური წარმომადგენელი გამოქვეყნებულ დოკუმენტს შემაშფოთებელს უწოდებს და აცხადებს, რომ აღნიშნულ საკითხზე ქართულ მხარეს კითხვები გააჩნია, რაზეც მოსკოვის პოზიციას მოისმენს.
აბაშიძე ასევე რუსეთთან დიალოგის გაგრძელების აუცილებლობაზე საუბრობს და მიიჩნევს, რომ ეს საქართველოს სახელმწიფოებრივ ინტერესებში შედის.
შეგახსენებთ, რომ აფხაზეთის დეფაქტო პარლამენტში რუსეთსა და აფხაზეთს შორის "მოკავშირეობისა და ინტეგრაციის" შესახებ შეთანხმების კანონპროექტს განიხილავენ, რომელიც გაერთიანებული ჯარების შექმნას ითვალისწინებს.
