ხელისუფლების სისუსტეა, როცა კრიტიკაზე რეაგირება არ ხდება, - აცხადებს გაზეთ "პრემიერისთვის" მიცემულ ინტერვიუში "რესპუბლიკური პარტიის" ერთ-ერთი ლიდერი დავით ზურაბიშვილი.
მისი თქმით, თუ ხელისუფლება კრიტიკას არ იმჩნევს და იგივენაირად აგრძელებს, ცუდია.
"სხვათა შორის, "ნაცმოძრაობის" პოლიტიკა იმით გამოირჩეოდა, რომ არანაირ კრიტიკას არ იღებდნენ, რა გზასაც აირჩევდნენ, ბოლომდე იმას მიჰყვებოდნენ და ამით რაც "მოიგეს", ვნახეთ. საზოგადოებამ მათ ლამის პოლიტიკური არმაგედონი მოუწყო. ამიტომაც ვამბობ, რომ ხელისუფლების სისუსტეა, როცა კრიტიკაზე რეაგირება არ ხდება", - აცხადებს ზურაბიშვილი.
