იუსტიციის მინისტრი თეა წულუკიანი მიიჩნევს რომ არსებულ მართლმსაჯულების სისტემაში კომპეტენტურობის პრობლემა ნამდვილად არსებობს, თუმცა ვერც ერთი მოსამართლე ვერ იტყვის, რომ დღევანდელი ხელისუფლება აკონტროლებს.
,,დღეს კომპეტენტურობის პრობლემა არის მართლმსაჯულებაში, მაგრამ ქართველი მოსამართლის მიმართ თუ არის კომპეტენტურობის შესახებ კითხვები ეს კითხვები ეკუთვნით იმ სააკაშვილს, იმ ადეიშვილს, იმ კუბლაშვილს რომლებიც ხელისუფლებაში იყვნენ, რადგან მათი დანიშნულია ეს ხალხი", _განაცხადა წულუკიანმა ,,რუსთავი-2"-თან ინტერვიუში.
მისივე განცხადებით, მოუთმენლად ელოდება 2015 წლის მარტის თვეს, როცა უზენაესი სასამართლოს თავმჯდომარე კოტე დაასრულებს კარიერას.
,,მართლა მოუთმენლად ველი 2015 წლის მარტის თვეს, როცა კოტე დაასრულებს თავის კარიერას და შემდეგ იმედი მაქვს, გვეყოლება ისეთი უზენაესი სასამართლოს ხელმძღვანელი და მართლმსაჯულების მესვეური რომელიც დაფიქრდება როგორ გააძლიეროს მოსამართლე და გახადოს ისინი უფრო კომპეტენტურები", _აცხადებს მინისტრი.