2010 წელს დაღესტნის გზის მშენებლობა უკვე მიდიოდა საქართველოს საზღვართან, გავრცელდა მაშინ ვიდეოკადრები, რომელშცი ჩანდა, რომ ამ გზაზე ვლადიმერ პუტინი იდგა და ამბობდა, აქ ტანკები გაივლის თუ არაო, - განაცხადა ექპერტმა მამუკა არეშიძემ გაზეთ "პრემიერისთვის" მიცემულ ინტერვიუში.
მისივე თქმით, რუსული მხარე ფიქრობს, რომ მომავალში აღდგება საქართველოსკენ მიმავალი გზა, მაგრამ მეორე მხრივ ამბობენ, რომ აქ სანერვიულო არაფერია, ჩვენ ჩვენი ტერიტორიის მთიანი რეგიონებისკენ მიგვყავს გზაო.
"მთლიანობაში კი ასეთი ვითარებაა, რომ რუსებს საზღვრამდე მოჰყავთ გზები და მერე უკვე მოლაპარაკებას იწყებენ შესაბამის მხარესთან იმასთან დაკავშირებით, რომ ამ გზების მშენებლობა გაგრძელდეს. დაღესტნის მონაკვეთზე ახლა იგივეს აკეთებენ, სადაც გაცილებით მეტი სამუშაოა ჩასატარებელი. მახაჩყალიდან ყვარელამდე 470 კმი-ია და აქედან 80 კმ-ია გასაკეთებელი, მაგრამ ეს არის ძალიან რთული სამუშაო, რადგან 25 ფუთი გვირაბი 25 ხიდია გასაკეთებელი. თავის დროზე ეს გზა ფუნქციონირებდა და მე მახსოვს, 90-იან წლებში საქართველოს მხრიდან სამხიდიანი მაქანებით იყო გადასვლა შესაძლებელი", - განაცხადა არეშეიძემ.
მასალის გამოყენების პირობები