სამხედრო გზა, რომელიც მამისონზე გადის, რუსეთის მხრიდან მოყვანილია საქართველოს საზღვრამდე, - განაცხადა ექპერტმა მამუკა არეშიძემ გაზეთ "პრემიერისთვის" მიცემულ ინტერვიუში. მისი თქმით, სულ 18 კმ იყო გასაკეთებელი, რუსებმა უზარმაზარი თანხა დახარჯეს (3 მილიარდ 200 მილიონი მანეთი), გზა უკვე მოყვანილია საქართველოს საზღვრამდე, ეს მოხდა 2010 წელს და მას შემდეგ ხმას არ იღებენ.
"საქართველოს საზოგადოებას გამორჩა ერთი რამ, ოსური სამხედრო გზა, რომელიც მამისონზე გადის, რუსეთის მხრიდან უკვე გაკეთებულია, სულ 18 კმ იყო გასაკეთებელი, რუსებმა უზარმაზარი თანხა დახარჯეს (3 მილიარდ 200 მილიონი რუბლი), გზა უკვე მოყვანილია საქართველოს საზღვრამდე, ეს მოხდა 2010 წელს და მას შემდეგ ხმას არ იღებენ. ისტორიულად, მამისონის უღელტეხილი იყო მთავარი გადასასვლელი ჩრდილოეთ კავკასიაში, როცა არც როკი იყო და ლარსიც შედარებით მიუდგომელი გახლდათ. მე-19 საუკუნის 80-იანი წლებიდან მამისონის გზას დაერქვა "ვოენნო ოსეტინსკაია"", - აცხადებს "პრემიერისთვის" მიცემულ ინტერვიუში არეშიძე.