10 ოქტომბერს, 12:00 საათზე, კულტურის სამინისტროში გაიმართება პრესკონფერენცია თბილისის რიგით მე-17 ჯაზ-ფესტივალთან დაკავშირებით, რომელსაც 23-27 ოქტომბერს თბილისის დიდი საკონცერტო დარბაზი უმასპინძლებს.
პრესკონფერენციას დაესწრებიან საქართველოს კულტურისა და ძეგლთა დაცვის მინისტრი მიხეილ გიორგაძე, თბილისის მერი დავით ნარმანია, „ისთერნ პრომოუშენსის" დირექტორი გიორგი კერესელიძე და თიბისი ბანკის საგარეო ურთიერთობათა და მედიაკომუნიკაციების დირექტორი თამარ კირვალიძე.
23-27 ოქტომბერს თბილისის რიგით მე-17 ჯაზ-ფესტივალში, ტრადიციულად, მსოფლიოში აღიარებული მუსიკოსები არიან მოწვეულნი: როი ეიერსი, ალ დი მეოლა, დევიდ ფიუზინსკი, სტენლი კლარკ ბენდი, მიშელ კამილოს ტრიო, ენდი შეპარდის კვარტეტი, ჯორჯ მელის კვარტეტი და ანატ კოენის კვარტეტი. უცხოელ ვარსკვლავებთან ერთად ფესტივალში მონაწილეობას იღებენ ქართველი ახალგაზრდა მუსიკოსებიც.
სტენლი კლარკი ახალგაზრდა ქართველ მუსიკოს ბექა გოჩიაშვილთან ერთად, ევრო ტურს საქართველოში, სწორედ ჯაზ-ფესტივალის ფარგლებში იწყებს; დევიდ ფიუზინსკისთან ერთად დაუკრავს პიანისტი გიორგი მიქაძე; ნიუ-იორკიდან სპეციალურად თბილისის ჯაზ-ფესტივალისთვის ჩამოდის ასევე ქართველი ჯაზ-შემსრულებელი გიორგი მელიქიშვილი (George Mel), რომელიც 20 წლის შემდეგ თავის კვარტეტთან ერთად პირველად წარდგება ქართველი მსმენელის წინაშე.
წელს პირველად, ჯაზ-ფესტივალის ფარგლებში, თბილისის საკონცერტო დარბაზის ფოიეში გაიმართება ქართველი მხატვრის, დავით მჭედლიშვილის გამოფენა-გაყიდვა სახელწოდებით "All That Jazz"; ეროვნული გალერეა (ცისფერი გალერეა) კი ფრანგი ფოტოგრაფის, კრისტიან როზეს უნიკალური ნამუშევრების გამოფენას უმასპინძლებს (გამოფენის კურატორები ნინო მეტრეველი და შალვა ხახანაშვილი). მის ფოტოობიექტივში მოხვდნენ ისეთ ცნობილი მუსიკოსები, როგორებიც არიან: ნინა სიმონე, მაილს დევისი, ბობ მარლი, ჩარლი მინგუსი, ელა ფიჯერალდი, ჯეიმს ბრაუნი და სხვა.
ღონისძიების დასასრულ, კომპანია „ისთერნ პრომოუშენსსა" და „სოლიდარობის ფონდს" შორის გაფორმდება მემორანდუმი, რომლის საფუძველზეც მხარეები მხარს დაუჭერენ საქართველოში მცხოვრები სოციალურად დაუცველი ან კატასტროფიული სოციალური დანახარჯების რისკის წინაშე მდგარი პირებისათვის სათანადო ალტერნატიული რესურსების შექმნას და ნებაყოფლობით საწყისებზე, უზრუნველყოფენ სათანადო რესურსების მობილიზაციას.
ფესტივალის პროგრამა
22-27 ოქტომბერი 20:00 ცისფერი გალერეა Christian Rose - ფოტოგამოფენა
23-27 ოქტომბერი 20:00 თბილისის საკონცერტო დარბაზი "All That Jazz" - ნახატების გამოფენა
23 ოქტომბერი 20:00 თბილისის საკონცერტო დარბაზი AL DI MEOLA "Beatles & More"
MICHEL CAMILO TRIO
24 ოქტომბერი 20:00 თბილისის ივენთ ჰოლი ANAT COHEN QUARTET
GEORGE MEL QUARTET
25 ოქტომბერი 20:00 თბილისის ივენთ ჰოლი DAVID FIUCZYNSKI'S Planet MicroJam feat.: Giorgi Mikadze
26 ოქტომბერი 20:00 თბილისის ივენთ ჰოლი ANDY SHEPPARD QUARTET
ROY AYERS
27 ოქტომბერი 20:00 თბილისის საკონცერტო დარბაზი STANLEY CLARKE BAND
წარმომდგენი
• საქართველოს კულტურისა და ძეგლთა დაცვის სამინისტრო
• თიბისი ბანკის პერსონალური საბანკო მომსახურება TBC Status
მხარდამჭერები
• თბილისის მერია
• ისრაელის საელჩო
პარტნიორები:
• ჯაზFM 97.5
• კავკასუს ონლაინი
• სასტუმრო შერატონი
• სასტუმრო „რუმსი"
• საუნდსითი
საინფორმაციო მხარდაჭერა:
• რუსთავი2
• ჯიდიესი
• სილკ ტვ
• არტარეა
• რადიო ქალაქი
• რადიო ფორტუნა
• ჟურნალი ოქეი და ფოკუსი
• გაზეთი ჯორჯია თუ დეი
• ონლაინ გაზეთი 24 საათი
ფესტივალის ორგანიზატორი
• კომპანია" ისთერნ პრომოუშენს" (Eastern Promotions)
მნიშვნელოვანი ინფორმაცია
• ბილეთების შეძენა შესაძლებელია ფილარმონიის სალაროში ან ონლაინ biletebi.ge ზე
• ბილეთების სალაროში TBC Platinum, TBC PrimeCard და TBC Status ბარათებით შეძენისას მოქმედებს 15-20% ფასდაკლება
• დამატებითი ინფორმაციისთვის ესტუმრეთ ფესტივალის ოფიციალურ ვებ-გვერდს: http://tbilisijazz.com/ Facebook.com/TbilisiJazzFestival
