,ჯი-ეიჩ-ენი"დაინტერესდა კონკრეტულად რა ეტაპზეა იმ ახალი მეჩეთის მშენებლობა, რომელზეც გადაწყვეტილება ანკარაში საგარეო საქმეთა მინისტრის მაია ფანჯიკიძის ვიზიტისას იქნა მიღებული. ,,ჯი-ეიჩ-ენი" ბათუმის მაჟორიტარ დეპუტატს, მურმან დუმბაძეს დაუკავშირდა, რომელიც აცხადებს, რომ ქალაქში ახალი მეჩეთის აშენება ნიშნავს სხვა სახელმწიფოს პოლიტიკური ინტერესების გაძლიერებას რელიგიური ნიშნით.
როგორც საკითხის კომენტირებისას დუმბაძე აცხადებს, ბათუმის მოსახლეობის უმრავლესობა ახალი მეჩეთის პოლიტიკური დაკვეთით მშენებლობის წინააღმდეგია, შესაბამისად, ამ კუთხით პროცესები გაყინულია.
,,როცა საგარეო საქმეთა მინსიტრი თურქეთიდან ჩამობრძანა და განცხადა, იქაურმა ხელისუფლებამ დააბარა, რომ ბათუმში მეჩეთი უნდა აშენდეს, ეს ნიშნავს იმას, რომ მეჩეთს არავითარი სამლოცველო ფუნქცია არ აქვს და ეს პოლიტიკური გადაწყვეტილებაა.Aადრეც ვთქვი, დღესაც და ხვალაც ვიტყვი პოლიტიკური გადაწყვეტილებით, არც თურქეთში და არც საქართველოში საკულტო ნაგებობა არ უნდა დაიდგას. გასაგებია, საქართველოს ხელისუფლებას 2013 წლიდანვე უნდოდა მუსულმანური მეჩეთის აშენება და ჩემი მათთან დაპირისპირების მიზეზი სწორდ აღნიშნული საკითხი გახდა, მაგრამ საქართველოს სახელმწიფოში საკულტო ნაგებობა არ უნდა აშენდეს სხვა სახელმწიფოს დაკვეთით. ეს არის აქსიომა, ამას ნებისმიერი თავმოყვარე ხელისუფალი მიხვდება", -აცხდაებს დუმბაძე ,,ჯი-ეიჩ-ეთან" საუბარში.
შეგახსენებთ, რომ თურქეთიდან დაბრუნებულა საგრეო საქმეთა მინისტრმა 2013 წლის 16 თებერვალს ჟურნალისტებთან განაცხადა, რომ მიღწეულია შეთანხმება და ბათუმში მეჩეთი აშენდება. მინისტრის განცადებით, საბოლოო გადაწყვეტილებას თუ რომელ კონკრეტულ ადგილას აშენდება მეჩეთი აჭარის მთავრობა მიიღებს.