ბათუმში მცხოვრები მუსლიმი მოსახლეობისთვის სრულებით საკმარისია მოქმედი მეჩეთი, - ამის შესახებ "ჯი-ეიჩ-ენს" ბათუმის მაჟორიტარმა დეპუტატმა მურმან დუმბაძემ განუცხადა.
მისი თქმით, თუ მათ ლოცვის კუთხით გარკვეული პრობლემები შეექმნებათ, შესაძლებელია, მეჩეთის გაფართოება, თუმცა არა ახლის აშენება.
,,მაგალითად ბათუმის მიმდებარე ტერიტორიაზე მეჩეთები არის და დღესაც შენდება, არავითარი პრობლემა არ არის. ხოლო თვითონ ბათუმში მუსულმანთა რაოდენობა შემცირებულია და მათთვის გამოყოფილა მეჩეთი, რომელიც აშენებულია მე-19 საუკუნის 70_იან წლებში, რომელიც სრულიად საკმარისია. თუმცა თუ მუსლიმანურ მრევლს ბათუმში ლოცვასთან დაკავშირებით პრობლემა შეექმნება, არსებობს გამოსავალი, ვთქვათ გავაფართოვოთ მეჩეთი თუ მუსლიმანური მრევლი დაადასტურებს ამის საჭიროებას. ბათუმში ახალი მეჩეთის აშენება ნიშნავს სხვა სახელმწიფოს პოლიტიკური ინტერესების გაძლიერებას რელიგიური ნიშნით", _განაცხადა დუმბაძემ.