"ერთიანი ნაციონალური" მოძრაობის წევრი ირმა ნადირაშვილი პარტიის ოფისში გამართულ დღვანდელ ბრიფინგზე ზვია ჯანყარაშვილის "ქართული ოცნების" აღმასრულებელ მდივნად დანიშვნას გამოეხმაურა.
ნადირაშვილმა გენერალური ინსპექციის ყოფილ უფროსს ზვია ჯანყარაშვილის ხელფასის შესახებ ინფორმაცია წარმოადგინა და აღნიშნა, რომ მას სახელმწიფო ბიუჯეტიდან ერთი წლის განმავლობაში 130 000 ლარზე მეტი აქვს აღებული.
"არ ყოფილა არც ერთი თვე როდესაც ზვიად ჯანყარაშვილმა აიღო ხელფასი 10 000 არის ქვემოთ. სულ ერთი წლის განმავლობაში თამაზ თამაზაშვილის დისშვილის შენახვა ბიუჯეტს დაუჯდა 130 603 ლარი. ეს ხდება იმ პირობებში, როდესაც ბიუჯეტი გარღვეულია, როდესაც სოციალური ვალდებულების შესასრულებლად იღებენ ძალიან დიდ ვალს. ზვიად ჯანყარაშვილის ოჯახის ყველა წევრმა 2013 წელს მუშაობა დაიწყო საჯარო სამსახურში. ყველამ, ვინც დღეს ეძებს სამსახურს, უნდა იცოდეს, რომ ამ სამსახურს ვერაფრით ვერ მიიღებს, რადგან საქართველოს მართავს ღარიბაშვილისა და თამაზაშვილების კლანი და სამუშაო ადგილები არის მხოლოდ მათთვის", - განაცხადა ნადირაშვილმა.
მასალის გამოყენების პირობები