თავდაცვის მინისტრი ირაკლი ალასანია მიიჩნევს, რომ რეგიონისთვის საფრთხეს წარმოადგენს რუსეთის აგრესია და არა საქართველოში ნატო-ს ინფრასტრუქტურის განთავსება.
,,რაც შეეხება საფრთხეებს, ყველაზე დიდ საფრთხეს რაც წარმოადგენს რეგიონისთვის ეს არის რუსეთის საოკუპაციო ძალები ჩვენს ქვეყანაში და მიმდინარე აგრესია რომელიც რუსეთის მხრიდან უკრაინის მიმართულებით ხორციელდება", _აცხადებს ალასანია და იმედს გამოთქვამს, რომ საერთაშორისო თანამეგობრობის ჩარევით რუსეთი იძულებული გახდება, რომ ნაკისრი ვალდებულებები შეასრულოს.
ალასანიას განცახდებით, საქართველოში ნატოს ინფრასტრუქტურა აუცილებლად განთავასდება. როგორც ალასანიამ მთვარობის სხდომის დასრულების შEმდეგ რუსეთის საგარეო უწყების მიერ გავრცელებული განცხადების საპასუხოდ განმარტა ჩვენს ქვეყანაში ალიანსის ინფრასტრუქტურის განთავსება ხელს შეუწყობს არა მხოლოდ საქართველოში, არამედ მთელი რეგიონში სტაბილურობის გამყარებას.
,,პირველ რიგში მინდა ძალიან ნათლად განვაცხადო, რომ ნატოს ინფრასტრუქტურა საქართველოში შეიქმნება, ეს არის მიღწეული შეთანხმება ნატოს სამიტზე. საქართველო-ნატოს პაკეტი სწორედ იმას ემსახურება, რომ საქართველოში გახსნას ნატოს ინფრასტრუქტურა და ჩავატაროთ სამხედროება ერთობლივი წვრთვნები და ამით ავამაღლოთ როგორც შეკავების ფაქტორი იმ აგრესიის რომელიც რუსეთიდან მოდის და ასევე ავამაღლოთ ჩვენი თავდაცვისუნარიანობა. Eეს არის გადაწყვეტილია და მინდა ვთქვა, რომ ეს რეგიონში, ჩვენს ქვეყანაში მხოლოდ და მხოლოდ ხელს შეუწყობს სტაბილურობის გამყარებას. ძლიერი საქართველო არის იგივე კონტრიბუტორი ძლიერი სტაბილურობისთვის რეგიონში", _აცხადებს ალასანია.
კრემლი საქართველოში ნატო-ს გეგმებთან დაკავშირებით შეშფოთებას გამოთქვამს. ლავროვის უწყებამ გაავრცელა განცხადება, რომელშიც ნათქვამია, რომ საქართველოში ნატო-ს ინფრასტრუქტურის განთავსება საფრთხეს შეუქმნის სტაბილურობას კავკასიაში.
რუსეთის საგარეო საქმეთა სამინისტროს განცხადებაში ნათქვამია: „ნატო-ს ინტერესების გათვალისწინებით, საქართველოში ალიანსის ინფრასტრუქტურის განთავსება საფრთხეს შეუქმნის კავკასიის რეგიონში იმ სტაბილურობას, რომელიც ახლა ყალიბდება".
თვითგამოცხადებული აფხაზეთისა და სამხრეთ ოსეთის წარმომადგენლები საქართველოს იარაღის გამოუყენებლობის შესახებ შეთანხმებაზე ხელმოწერას სთხოვენ. შეთანხმების ხელმოწერის აუცილებლობა კიდევ ერთხელ ნატო-ს სამიტის შემდეგ გამოიკვეთა.
რუსული მხარე ირწმუნება, რომ იარაღის გამოუყენებლობის შესახებ შეთანხმების ხელმოწერასთან დაკავშირებით, ჟენევაში ყველაზე ეფექტურ ნაბიჯად რუსული პროექტი განიხილებოდა.
ტექსტში აღნიშნულია, რომ საკითხი ჟენევაში გამართულ მოლაპარაკებებზე განიხილეს.
