თბილისის მერის დავით ნარმანიას განცხადებით, მერიაში ატესტაციის პროცესი კანონის სრული დაცვით ჩატარდება. როგორც ნარმანიამ მთავროიბის სხდომის დატოვების შემდეგ ჟურნალისტებთან განაცხადა ატესტაციასთან დაკავშირებით ყველა პროცედურა გამჭვირვალე იქნება.
"ვაპირებთ კანონის სრული დაცვით ჩავატაროთ ეს ყველაფერი და მივიღოთ და დავტოვოთ ის თანამშრომლები, რომლებიც მაქსიმალურად ეფექტიანად გააკეთებენ საქმეს. ეს არის ჩვენი მთავარი ამოცანა", - განაცხადა დავით ნარმანიამ.
შეგახსენებთ, რომ საატესტაციო კომისია, რომელიც თბილისის მერიის თანამშრომლებისთვის სავალდებულო ატესტაცის ჩაატარებს, უკვე დამტკიცებულია. კონკურსი თვის ბოლოს რმდნეიმე ეტაპად ჩატარდება.
კანონის თანახმად, პირველ რიგში ატესტაციას მოქმედი თანამშრომლები გაივლიან და ის 2 ეტაპად ჩატარდება. პირველი ეტაპი ტესტირება, ხოლო მეორე ეტაპი გასაუბრება იქნება.
