პრემიერ-მინისტრის სპეციალური წარმომადგენელი რუსეთთან ურთიერთობის საკითებში ზურაბ აბაშიძე მიიჩნევს, რომ საქართველოს ალიანსთან თანამშრომლობა საფრთხეს არ უქმნის რეგიონულ უსაფრთხოებას.როგორც მთავრობის სხდომის დაწყებამდე რუსეთის საგარეო საქმეთა სამინისტროს მიერ გავრცელებული განცხადების კომენტირებისას აბაშიძემ განაცხადა რეგიონულ უსაფრთხოებას, საფრთხეს უქმნის მოუგვარებელი კონფლიქტები.
,,ჩვენი თანამშრომლობა ნატო-სთან, არავითარ საფრთხეს არ უქმნის რეგიონულ უსაფრთხოებას. რეგიონულ უსაფრთხოებას, უპირველეს ყოვლისა, საფრთხეს უქმნის მოუგვარებელი კონფლიქტები. სწორედ ამაში ვხედავთ ჩვენ რუსეთის როლს, რომ თუ კი არის სურვილი და პოლიტიკური ნება, ნაბიჯ-ნაბიჯ დავიწყოთ კონფლიქტის მოგვარება აფხაზეთსა და ცხინვალის რეგიონში", - განაცხადა ზურაბ აბაშიძემ.
„ნატო-ს ინტერესების
გათვალისწინებით, საქართველოში ნატო-ს ინფრასტრუქტურის განთავსება საფრთხეს
შეუქმნის კავკასიის რეგიონში იმ სტაბილურობას, რომელიც ახლა ყალიბდება“, -
ნათქვამია რუსეთის საგარეო საქმეთა სამინისტროს განცხადებაში, რომელიც ჟენევაში
ამიერკავკასიასთან დაკავშირებულ მორიგ დისკუსიას უკავშირდება.
რუსული მხარე
ირწმუნება, რომ ამ მხრივ ყველაზე ეფექტურ ნაბიჯად რუსული პროექტი განიხილებოდა.
