შეწყალების კომისიის ყოფილი თავმჯდომარე ელენე თევდორაძე ,,ჯი-ეიჩ-ენთან" საუბარში პრეზიდენტის მიერ განზრახ მკვლელობისთვის მსჯავრდებული ორი პირს შეწყალების ფაქტის კომენტირებისას აცხადებს, რომ უჭირს შეფასება თუ რატომ აქვს კომისიას სხვა განწყობა.
,,თქვენი საშუალებით საზოგადოებას მინდა შევახსენო, როცა პრეზიდენტი იწყალებდა მძიმე დანაშაულისთვის ბრალდებულ პატიმრებს, ალბათ, გახსვთ რამხელა უარყოფითი რეზონანსი მოჰყვებოდა ხოლმე ამას საზოგადოებაში. Mმინდა გითხრათ, რომ ასეთივე დამოკიდებულება ჰქონდა შეწყალების კომისიასაც, რადგან კომისა ყოველთვის ითვალისწინებდა როგორც დაზარალებულის, ასევე საზოგადოების პოზიციას. მინდა გითხრათ, რომ იყო შემთხვევი როცა შეწყალების კომისია მძიმე დანაშაულისთვის ბრალდებულებს რეკომენდაციას აძლევდა, მაგრამ ჩვენ 100%-ით გვქონდა ინფორმაცია, რომ ამ კატეგორიის მსჯავრდებულები სიკვდილ-სიცოცხლის ზღვარზე იყვნენ. დანარჩენ შემთხვევაში კომისია მძიმე დანაშაულისთვის მსჯავრდებულებს რეკომენდაციას არ უწევდა და ეს იყო კომისიის პოზიცია. მე ნამდვილად მიჭირს შევაფასო რატომ აქვს ამ კომისიას სხვა განწყობა, ალაბათ ასე გადაწყვიტეს", -განაცხადა თევდორაძემ, რომელიც კითხვაზე, შესაძლოა, თუ არა შეწყალებულ მძიმე კატეგორიის მსჯავრდებულები ამ შემთხვევაში სიკვდილ-სიცოცხლის ზღვარზე არიან და ამიტომ შეიწყალა პრეზიდენტმა თევდორაძე პასუხობს:
,,ვერ გეტყვით, არ ვიცი. ზოგჯერ კი მოგვდიოდა მძიმე დანაშაულის კატეგორიის პატიმრების შესახებ ციხიდან ინფორმაცია, მაგრამ მე მაინც ვამოწმებდი ხოლმე", _განაცხადა ,,ჯი-ეიჩ-ენთან" საუბარში თევდორაძემ.
რაც შეეხება იმას კმაყოფილია თუ არა თევდორაძე შეწყალების კომისიის მუშაობით პასუხობს:
,,მე არ ვადევნებ კომისიის მუშაობას თვალყურს", _განაცხადა თევდორაძემ.
შგახსენებთ, რომ პრეზიდენტის მიერ შეწყალებული 115 მსჯავრდებულთაგან სასჯელი გიორგი მარგველაშვილმა განზრახ მკვლელობისთვის მსჯავრდებულ 2 პირს შეუმცირა.
,,ეს ძალიან მძიმე გადაწყვეტილება იყო პრეზიდენტისთვის და ორ მსჯავრდებულს, რომლებიც განზრახ მკვლელობისთვის იყვნენ გასამართლებული, სასჯელი შეუმსუბუქდათ", _განაცხადა შეწყალების კომისიის თავმჯდომარემ ზვიად ქორიძემ.
115 შეწყალებულ პატიმართა შორის 7 არასრულწლოვანია, 4 მათგანი სრულად გათავისუფლდა სასჯელისგან, სამს კი შეუმცირდა. გათავისუფლებულ პატიმართა შორისაა არის ერთი ქალიც.
