"ჩვენი მთავრობა აკეთებს ძალიან ბევრ კარგ საქმეს და არ აქვს იმის უნარი, ეს მიაწოდოს საზოგადოებას", - ეს განცხადება საქართველოს იუსტიციის მინისტრმა ტელეკომპანია "იმედის" ეთერში გააკეთა.
მინისტრის თქმით, შესაძლოა კომუნიკაციის ნაკლებობა გახდა ერთ-ერთი მიზეზი ევროსაბჭოს რეზოლუციის იმ სახით მიღებისა, როგორც ევროსაბჭომ მიიღო.
"საზღვარგარეთ ფრონტი ისე დაკავებული არ გვაქვს, როგორც "ნაციონალებს" ჰქონდათ ან ახლა აქვთ. ეს აუცილებლად უნდა გამოსწორდეს, ამაზე მთავრობა მუშაობს", - განაცხადა წულუკიანმა.
"ჩვენი მთავრობა აკეთებს ძალიან ბევრ კარგ საქმეს და არ აქვს იმის უნარი, ეს მიაწოდოს საზოგადოებას. ეს არის დიდი ხარვეზი და შეცდომაც. ჩვენ ბევრი კარგი საქმე გვაქვს გაკეთებული და მოსახლეობამ ერთი მესამედიც კი არ იცის. ეს არის ალბათ კომუნიკაციაში ჩვენი ხარვეზები. თუმცა ეს იმასთანაც არის დაკავშირებული, რაც ჩვენი მთავრობის სტილია და რასაც ბიძინა ივანიშვილმა ჩაუყარა საფუძველი", - განაცხადა წულუკიანმა.