გათავისუფლებული თენგო ერისთავი თავს უდანაშაულოდ მიიჩნევს და საპატიმროს დატოვების შემდეგ მედიის წარმომადგენლებთან პირველი განცხადებაც გააკეთა.
,,გამოძიება გრძელდება 29 ოქტომბერს მაქვს დანიშნული სასამართლო და ყველანაირი სამართლებრივი გზებით ვეცდები დავამტკიცო ჩემი უდანაშაულობა", _განაცხადა ჟურნალისტებთან ერისთავმა.
ერისთავი იმედს გამოთქვამს, რომ სათანადოდ დაისჯებიან ის პოლიციელები ვინც ნარკოტიკი ჩაუდეს.
,,პოლიციელების სახელები და გვარები არ ვიცი ვინც ნარკოტიკი ჩამიდო, მაგრამ იმედია ყველაფერი გაირკვევა და სათანადოდ დაისჯებიან ამის ჩამდენები, რათა იგივე აღარ განმეორდეს", _აცხადებს ერისთავი.
თენგიზ ერისთავი სასამართლო დარბაზიდან გუშინ საღამოს გაათავისუფლეს. დაცვის მხარემ, გირაოს, სახით 10 000 ლარის გადახდის შუამდგომლობა დააყენა, რასაც ბრალდების მხარეც დაეთანხმა. ერისთავი 17 სექტემბერს სამართალდამცავებმა დააკავეს. ბრალად განსაკუთრებით დიდ ოდენობით ნარკოტიკული საშუალებების შეძენა-შენახვა ედება.
მისი გათავისუფლების მოთხოვნით რამდენიმე საპროტესტო აქცია გაიმართა და ხელმოწერები შეგროვდა.
მასალის გამოყენების პირობები
