ყოფილი სპორტსმენი, საპარლამენტო უმრავლესობის ერთ-ერთი ლიდერი სოსო ჭაჭვლიანი ,,ჯი-ეიჩ-ენთან" საუბარში ჭიდაობის ფედერაციაში არსებულ ვითარებას აფასებს და ფედერაციის პრეზიდენტის ლუკა კურტანიძის ქმედებას სამართლიანს უწოდებს და განმარტავს, რომ ამ არსებული ვითარება მართული პროცესია. თუმცა ჯაჭვლიანი არ აკონკრეტებს ვის მიერ იმართება ჭიდაობის ფედერაციაში არსებული პროცესი.
,,ჭიდაობის ფედერაციაში მიმდინარე პროცესებისას ყურადღებით უნდა დავაკვირდეთ ერთ რამეს ვინ ლაპარაკობს, რატომ ლაპარაკობს და არიან თუ არა მართლები. Lლუკა კურტანიძეს ერთმნიშვნელოვნად შეუძლია, რომ ნებისმიერ დროს გაათავისუფლოს მწვრთნელები, ამის შესახებ, წესდებაში უწერია. Aმაშინ როცა ორი წლის განმავლობაში ფედერაციას არანაირი შედეგი არ აქვს კურტანიძეს სრული უფლება აქვს მიიღოს გადაწყვეტილება. კურტანიძეს ეს რომ არ გაეკეთებინა გავიდოდა კიდევ დრო და მას სამეთვალყურეო საბჭო მოსთოვდა პასუხს თუ რატომ არ მოახდინა შესაბამისი რეაგირება. Aამიტომ ჭიდაობის ფედერაციის პრეზიდენტი აბსოლუტურად მართალია. გახსოვთ კურტანიძეს კვერცხები რომ ესროლეს, კარი რომ აუჭედეს, ისე ოსტატურად მოხდა ამ ყველაფრის გადაღება, ადგილზე ჟურნალისტების გაჩენა, რომ ეს ყველაფერი მართულია. თუ კაცურად, ადამიანურად გინდა პრობლემების მოგვარება, კვერცხების სროლა სპორტსმენებს არ ეკადრებათ, ხომ შეიძლება ოჯახში, შიგნით ადამიანურად დაილაპარაკო ", _განაცხდაა ,,ჯი-ეიჩ-ენთან" საუბარში ჯაჭვლიანმა.
სპორტსმენების ნაწილის პრეტენზიებს, რომ მათ არ აქვს ვარჯიშისთვის შესაბამისი პირობები და კურტანიძეს არასწორ მენეჯმენტში ადანაშაულებენ ჯაჭვლიანი ,,ჯი-ეიჩ-ენთან" საუბარში პასუხობს:
,, აშშ-ის საელჩოს გვერდით გამოყოფილია ტერიტორია და უნდა აშენდეს ახალი დარბაზი. Aამას სახელმწიფო უნდა აკეთებდეს, რადგან ჭიდაობა პრიორიტეტულია და ოლიმპიური თამაშებიდანაც ყველაზე მეტ მედლებს სწორედ ჭიდაობიდან ვიღებთ. კურტანიძემ ფედერაცია როცა ჩაიბარა ანაგრიშზე 2 500-ლარი იდო, ახლა 450 000-ლარი დევს", _განაცხადა ჯაჭვლიანმა.
შეგახსენებთ, რომ მოჭიდავეების ნაწილი ჭიდაობის ფედერაციის პრეზიდენტ ლუკა კურტანიძის უპირისპირდებიან და მის გადადგომას მოითხოვენ.