გასული დღეღამის განმავლობაში უკრაინამ კიდევ ორი მებრძოლი დაკარგა. განცხადება ამის შესახებ უკრაინის თავდაცვისა და უშიშროების საბჭოს საინფორმაციო ცენტრის სპუკერმა ანდრეი ლიდენკომ გააკეთა.
"სულ, გასული დღეღამის განმავლობაში დაღუპულია 2 უკრაინელი მებრძოლი. დაჭრილთა რაოდენობა ამჟამად ზუსტდება",_ განაცხადა მან.
მისივე ინფორმაციით, ამავე დროის განმავლობაში დონეცკის აეროპორტზე ბოევიკეთა მიერ განხორციელებული რამდენიმე შეტევის დროს მოკლულია 12 ტერორისტი.
"ტერორისტებისათვის პრიორიტეტულ სამიზნედ კვლავ დონეცკის აეროპორტი რჩება. ბოევიკებმა მასზე იერიშის რამდენიმე მცდელობა განახორციელეს. ჩვენმა სამხედროებმა ყველა შეტევა მოიგერიეს და 12 ტერორისტი გაანადგურეს",_ განაცხადა ლისენკომ.
