ბელარუსს არ სურს უკრაინის, როგორც სახელმწიფო დანგრევა და ის არ აღიარებს პროექტს, რომელსაც ოფიციალური მოსკოვი ტერმინ "ნოვოროსიას" უწოდებს. აცხადებს ბელარუსის პრეზიდენტი ალექსანდრე ლუკაშენკო "ევრონიუსისთვის" მიცემულ ინტერვიუში. ლუკაშენკო აღნიშმავს, რომ ბელორუსს "სულ სხვა პოზიცია აქვს".
"ჩვენ არ გვინდა უკრაინული სახელმწიფოს დანგრევა. აქ მრავალი ლაპარაკობს იმაზე, რომ ოდესღაც ყირიმი უკრაინის შემადგენლობაში "არასწორად" შევიდა და რომ ეს უძველესი რუსული ტერიტორიაა და ა.შ. ეს არასწორი მიდგომაა",_ განაცხადა ბელორუსის პრეზიდენტმა და აღნიშნა, რომ მაშინ თათარ -მონღოლთა ურდოს დროს უნდა დაუბრუნდეს ყველა და ყაზახეთს, მონღოლეთს ან კიდევ სხვა ვინმეს უნდა გადაეცეს რუსეთის პრაქტიკულად მთელი ტერიტორია, ასევე დასავლეთ და აღმოსავლეთ ევროპის ტერიტორია, გარდა ბელორუსისა: "ჩვენამდე ისინი რაღაც ვერ მოვიდნენ და ხელი არ გვახლეს. რისთვის არის საჭირო ძველ დროში დაბრუნება?",_ ამბობს ლუკაშენკო.
მისივე თქმით, მან იმთავითვე გააკეთა განცხადება იმის შესახებ, რომ პროექტი "ნოვოროსია" მის მიერ არ აღიქმება. "გარკვეულწილად იმიტომ რომ, ბელურუსი უკრაინის მეზობელია და ის უფრთხის გაყინულ კონფლიქტებს უშუალო სამეზობლოში".
"მე უკრაინული სახელმწიფოს ერთიანობასა და მთლიანობას ვუჭერ მხარს. იქ რომ არ იყოს რაღაც გაყინული კონფლიქტების ზონები ისეთები როგორებიც არის დნესტრისპირეთი, მთიანი ყარაბაღი - რომლებიც მუდმივად ფეთქებადსაშიშია. მე პირადად ეს არ მინდა არც როგორც ადამიანს და არც როგორც ბელორუსის პრეზიდენტს, იმიტომ, რომ ჩვენ ძალიან ახლოს და გვერდით ვართ უკრაინასთან",_ აცხადებს ლუკაშენკო.
აღსანიშნავია, რომ თავის ინტერვიუში ლუკაშენკო ცდილობდა რუსეთის მიმართ დაბალანსებული პოზიცია დაეკავებინა.
კერძოდ, მან განაცხადა, რომ უკრაინულ კრიზისში "ბევრი შეცდომა დაუშვა სწორედ დასავლეთმა და რუსეთმა" და ამაზე დიდი პასუხისმგებლობა სწორედ დასავლეთს ეკისრება.
"რუსეთი არ ძაბავდა მაიდანზე სიტუაციას, რუსეთი არ მოქმედებდა იქ. იქ მოქმედებდდნენ დასავლური სახელმწიფოების თანამდებობის პირები და ამის შესახებ მთელმა მსოფლიომ იცის და ჩვენც ვიცით იმიტომ, რომ გვერდით ვართ. ეს პირები ღიად მოქმედებდდნენ და მაიდანზე შეკრებილთ დაპირიპირებისაკენ აქეზებდდნენ",_ განაცხადა ლუკაშენკომ და ყირიმის ანექსიის კომენტირებისას უკრაინა დაადანაშაულა.
"თქვენ გინდთ თქვათ, რომ ყირიმში განვითარებული მოვლენები არის შედეგი რუსეთის მოქმედებებისა ყირიმში და ეს მაიდანზე შურისძიების გამო იქნა გაკეთებული? სრულიად არა. ეს არის შედეგი უკრაინის არასწორი მოქმედებებისა იმ მომენტისათვის",_ აცხადებს ლუკაშენკო.
შეგახსენებთ, რომ ბელარუსის პრეზიდენტმა რამდენიმე დღის წინ უკრაინას, ქვეყნის აღმოსავლეთ ნაწილში თავისი სამშვიდობობის გაგზავნა შესთავაზა, თუმცა კიევმა მისი წინადადება არ მიიღო და განაცხადა, რომ ის თავად მოაგვარებს სიტუაციას თავის ტერიტორიაზე თუ იქიდან "უცხო ქვეყნის ჯარი გავა".
მასალის გამოყენების პირობები
