უკრაინის ხელისუფლებამ უარი თქვა ბელორუსის პრეზიდენტის ალექსანდრე ლუკაშენკოს შეთავაზებაზე უკრაინის ტერიტორიაზე ბელორუსი სამშვიდობოების გამოყენების შესახებ.
უკრაინის საგარეო საქმეთა სამიმინსტროს ევგენი პერებიინისის განცხადებით, უკრაინას თავად შეუძლია საკუთარ ტერიტორიაზე წესრიგის დამყარება "თუ მას უცხო ქვეყნის სამხედროები დატოვებენ".
"მიგვაჩნია, რომ არავითარი სამშვიდობო ძალის შემოყვანა უკრაინის ტერიტორიაზე საჭირო არ არის. საჭიროა მხოლოდ ის, რომ რუსეთის ფედერაციამ და ტერორისტებმა მინსკის შეთანხმებები შეასრულონ ცეცხლის შეწყვეტისა და ტყვეთა გაცვლის შესახებ",_ განაცხადა მან.
შეგახსენებთ, რომ 2 ოქტომბერს ბელორუსის პრეზიდენტმა ალექსანდრე ლუკაშნკომ განაცხადა, რომ ის მზადაა უკრაინის აღმოსავლეთ ნაწილში ბელორუსული სამშვიდობო კონტიგენტი გააგზავნოს.
მასალის გამოყენების პირობები
