პრემიერის ირაკლი ღარიბაშვილის ინფორმაციით, ევროსაბჭოს მომხსენების ტექსტი, სადაც ბაჩო ახალაიასა და ვანო მერაბიშვილის პოლიტიკურ დევნაზეა საუბარი შეიცვალა.
"ჩემი ინფორმაციით, პროექტი შეიცვალა. იქ ძალიან აქტიურობს "ნაციონალური მოძრაობა" და მათი მთავარი დასაყრდენი "ევროპის სახალხო პარტია". მიმაჩნია, რომ ჩვენი დელეგაცია გასცემს პასუხს ყველა კითხვას. ქვეყანაში არის სხვა რეალობა და ისინი ამ რეალობის სწორად წარმოჩინებას შეძლებენ. დარწმუნებული ვარ, ევროპის საბჭოს საპარლამენტო ასამბლეაში არ გაიზიარებენ "ნაციონალური მოძრაობის" მიერ მიწოდებულ ჭორებს და უსაფუძვლო ბრალდებებს. ყოფილი მაღალჩინოსნების სასამართლო პროცესები, არის აბსოლუტურად ღია და გამჭვირვალე. დღეს საქართველოში არავინ დგას კანონზე მაღლა და არც იდგება. ჩვენ უზრუნველვყოფთ კანონის უზენაესობას და გამჭვირვალობას",- აღნიშნა პრემიერმა.
