პრემიერ-მინისტრის ირაკლი ღარიბაშვილის განცხადებით, ქვეყანა ახლა საკმაოდ რთულ პერიოდს გადის და შესაბამისად გამორიცხული არაა რომ გარკვეული გადაცდომებიც იყოს. თუმცა ღარიბაშვილი იმედს გამოთქვამს, რომ ქვეყანა ღირსეულად გაივლის ამ პერიოდს.
,,ახლა გავდივართ სწორედ ძალიან რთულ და ძალიან საპასუხისმგებლო პერიოდს და, მე ვარ დარწმუნებული, რომ ჩვენ ყველანი ერთად, ღირსეულად გავივლით ამ მეტად მნიშვნელოვან ეტაპს. შეიძლება, მე არ გამოვრიცხავ, რომ არ გარადამავალ ეტაპზე ყველაფერი ისე იდეალურად არ ხდება როგორც ჩვენ გვინდა და ეს ბუნებრივიცაა, მაგრამ მინდა დაგარწმუნოთ, რომ ჩვენი ხელისუფლება ნამდვილად ერთგულად ემსახურება ჩვენს ხალხს და ჩვენს ქვეყანას. სწორედ ამიტომ ჩვენ ერთად გადავლახავთ ყველა სირთულეს და განვითარების გზას ვერავითარი ძალა, ვერავითარი ბარიერი ვერ შეაჩერებს ჩვენს ქვეყანაში", _აცხადებს პრემიერი.