შსს-ს საქართველოს სასაზღვრო პოლიციის სანაპირო დაცვის თანამშრომლებმა შტორმში მოყოლილი გემი და მისი ეკიპაჟი დაღუპვისგან იხსნეს.
სასაზღვრო პოლიციის სანაპირო დაცვის დეპარტამენტის თანამშრომლებმა ბათუმის პორტის მე-11 ნავმისადგომთან,ზღვაში, მახინჯაურის საზღვაო კოლეჯის კუთვნილი, 106 ტონიანი გემი „ELITA" შენიშნეს, რომელიც ძლიერ შტორმში მოყვა, ჩაძირვის საშიშროება ემუქრებოდადა შველას ითხოვდა. სანაპირო დაცვის თანამშრომლებმა სამაშველო ოპერაცია ოპერატიულად და წარმატებით განახორციელეს, რის შედეგადაც ხომალდი და მის ბორტზე მყოფი ეკიპაჟის წევრები, საქართველოს ოთხი მოქალაქე გადაარჩინეს. მათ გემი ბათუმის პორტის მე-7 ნავმისადგომთან გადაიყვანეს. აღნიშნული გემზე მახინჯაურის საზღვაო კოლეჯის კურსანტები პრაქტიკულ მეცადინეობებს გადიან
მასალის გამოყენების პირობები
