ყოფილი დიპლომატის ეროსი კიწმარიშვილის ძმამ ზურაბ კიწმარიშვილმა პროკურატურას დაზარალებულად ცნობის მოთხოვნით მიმართა. როგორც ,,ჯი-ეიჩ-ენთან" საუბარში ზურაბ კიწმარიშვილმა განაცხადა აღნიშნულის მიზეზი გახდა ის, რომ გვეცნონ საქმის დეტალებს და გამოძიების მიმდინარეობას.
მისივე განმარტებით, დაზარალებულად ცნობის მოთხოვნით პროკურატურას დღეს მიმართა და დააკმაყოფილებს თუ არა საგამოძიებო უწყება მის მოთხოვნას სამ დღეში გახდება ცნობილი.
,, ამის მიზეზი არის ძალიან მარტივი, სურვილი რომ გავეცნოთ გამოძიების მიმდინარეობას.კანონში არის ახალი დებულება რომელიც ადგენს, რომ დაზარალებულს უფლება აქვს მოითხოვოს გამოძიებისგან ყველა იმ ინფორმაციის მიღება, რომელიც ხელს არ შეუშლის საქმის მსვლელობას, იქნება ეს დაკითხვის ოქმები, გაშიფრული მასალები და ა.შ. ", _განაცხადა ,,ჯი-ეიჩ-ენთან" საუბარში კიწმარიშვილმა.
რაც შეეხებ ,,ჯი-ეიჩ-ენის" შეკითხვას კმაყოფილია თუ არა გამოძიების მიმდინარეობით ზურაბ კიწმარიშვილი პასუხობს:
,, მე ამასთან დაკავშირებით ვერაფერს ვერ გეტყვით, რადგან არ ვიცი რა ეტაპზეა გამოძიება. თუ გამოძიება ახლოს არის დასასრულთან და რეალურ დასკვნასთან რაც სინამდვილეში მოხდა, კმაყოფილი ვიქნები, მაგრამ თუ პროცესი არასწორად მიდის, ცხადია, ეს ჩემი კმაყოფილების საფუძველი არ იქნება და ამის შესახებ შევიტყობ, როცა გამოძიების მიმდინარეობის შესახებ ინფორმაციას მივიღებ", _აცხადებს კიწმარიშვილი.
შეგახსენებთ, რომ 15 ივლისს რუსთავის მერობის ყოფილი კანდიდატი ეროსი კიწმარიშვილი მისსავე ავტოფარეხში, გარდაცვლილი იპოვნეს. კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
