სახელმწიფო დაცვის სპეციალური სამსახურის ყოფილი უფროსის თემურ ჯანაშიას ოჯახის წევრების ქონება დააყადაღეს. როგორც დღეს გამართულ პრესკონფერენციაზე ჯანაშიას ადვოკატმა ბექა ბასილაიამ განაცხადა ქონების დაყადაღება არაკანონიერად მოხდა და აღნიშნულს კავშირი არ აქვს მისი დაცვის ქვეშ მყოფისთვის წაყენებულ ბარალთან.
"სამართლებრივად დაყადაღების არანაირი საფუძველი არ არსებობდა, იქიდან გამომდინარე, რომ თემურ ჯანაშიას ედავებიან გაფლანგვას. ამასთან ქონების დიდი ნაწილი, რომელიც დაყადაღებულია შეძენილია სახელმწიფო დაცვის სპეციალურ სამსახურში თანამდებობაზე დანიშვნამდე", - განაცხადა ბექა ბასილაიამ.
შეგახსენებთ, რომ ჯანაშიას ბრალი სისხლის სამართლის კოდექსის 182-ე მუხლის საფუძველზე ედება, რაც საბიუჯეტო სახსრების გაფლანგვას გულისხმობს.
