საქართველოს ყოფილი პრეზიდენტის მიხეილ სააკაშვილისა და მისი ოჯახის ქონება დააყადაღეს. როგორც სააკაშვილის ადვოკატმა ოთარ კახიძემ განაცხადა არანაირი დასაბუთება სასამართლოს გადაწყვეტილებაში ქონების დაყადაღებასთან დაკავშირებით განმარტებული არ არის.
,, ფიზიკურად არ ვიცით რა მიზნით, რა მოტივით მოხდა ქონების დაყადაღება", _განაცხადა კახიძემ.
კახიძის თქმით, დაყადაღებულია მიხეილ სააკაშვილის ყვარელში არსებული მიწა, ასევე მისი ბებიის საკუთრებაში ოზურგეთში არსებული მიწის ნაკვეთი, ასევე დაყადაღებულია გიული ალასანიას მანქანა, რომლითაც სარგებლობს. ამასთან სანდრა რულოვსის საკუთრებაში ბარნოვზე მდებარე საცხოვრებელი ბინა.
