საქართველოს შინაგან საქმეთა სამინისტროს სასაზღვრო პოლიციას ოთხდღიანი ოფიციალური ვიზიტით ბულგარეთის რესპუბლიკის შინაგან საქმეთა სამინისტროს სასაზღვრო პოლიციის მთავარი დირექციის წარმომადგენლები ეწვივნენ. დელეგაცია სასაზღვრო პოლიციის სახმელეთო საზღვრის დაცვის დეპარტამენტისა და ადმინისტრაციის წარმომადგენლებს შეხვდა. შეხვედრაზე ორი ქვეყნის სასაზღვრო უწყების პრეზენტაცია გაიმართა, მხარეებმა სამომავლო გეგმებზე ისაუბრეს.
ვიზიტის ფარგლებში, სტუმრები შინაგან საქმეთა სამინისტროს აკადემიის სასაზღვრო ფაკულტეტის წარმომადგენლებს, სასაზღვრო პოლიციის N5 სამმართველოს (ლაგოდეხი) N2 სასაზღვრო სექტორ „მაწიმის" ეწვევიან, ინფრასტრუქტურას დაათვალიერებენ და იქ არსებულ მდგომარეობას გაეცნობიან.
ვიზიტი საქართველოს შინაგან საქმეთა სამინისტროს სასაზღვრო პოლიციისა და ბულგარეთის რესპუბლიკის შინაგან საქმეთა სამინისტროს სასაზღვრო პოლიციის მთავარ დირექციას შორის 2013-2014 წლებში თანამშრომლობის გეგმის თანახმად ხორციელდება.
ბულგარეთის დელეგაცია საქართველოს 20 სექტემბერს დატოვებს.
