შპს " მობიტელი" (ТМ Beeline) დღეიდან მომხმარებელს მეოთხე თაობის ინტერნეტის მხარდაჭერის მქონე ტელეფონებს შესთავაზებს.
ოთხი ახალი მოდელი, რომლის შეძენა ნებისმიერ მსურველს შეეძლება, იმუშავებს როგორც ბილაინის არსებულ ქსელზე, ასევე მეოთხე თაობის ინტერნეტზე, საქართველოში მისი გაშვების პარალელურად. ტელეფონები ფრანგული ბრენდის ALCATEL-ის მიერ არის წარმოებული.
მათი ღირებულება 360 დან 560 ლარამდე იქნება. ტელეფონებზე მოქმედებს უპროცენტო განვადება.
"კომპანია "ბილაინი" ემზადება ახალი ეტაპისთვის, რომლის შედეგადაც საქართველო მოხვდება ტექნოლოგიუარ განვითარებული ქვეყნების რიგში.
მეოთხე თაობის ინტერნეტის გაშვებით, საქართველო გადავა თვისობრივად ახალ ეტაპზე, კომუნიკაციების და სხვა მომიჯნავე სფეროების წინსვლის მიმართულებით.
ამ ეტაპზე ჩვენს არსებულ და ახალ აბონენტებს ვთავაზობთ მეოთხე თაობის ინტერნეტის მხარდაჭერის მქონე ტელეფონებს უკონკურენტოდ დაბალ ფასად. ტელეფონების ღირებულება განვადების შემთხვევაში თვეში მხოლოდ 24 ლარია. დარწმუნებულები ვართ, ეს სიახლე განსაკუთრებულ ინტერესს გამოიწვევს როგორც არსებულ, ისე ახალ აბონენტბეში"- აცხადებს „ბილაინის" საზოგადოებასთან ურთიერთობის სამსახურის ხელმძღვანელი თეონა ბაღდავაძე.
"ვიმპელკომის" კომპანიების ჯგუფში შედის კავშირგაბმულობის ოპერატორები, რომლებიც მომსახურებას უწევენ ხმოვან კავშირსა და მონაცემების გადაცემას უსადენო და ფიქსირებული
კავშირის ტექნოლოგიების ფართო სპექტრის საფუძველზე და ასევე უზრუნველყოფენ ინტერნეტში ფართოსპექტრიან ხელმისაწვდომობას. "ვიმპელკომის" ჯგუფში შედიან კომპანიები, რომლებიც
ახორციელებენ ოპერაციებს რუსეთში, ყაზახეთში, უკრაინაში, ტაჯიკეთში, უზბეკეთში, საქართველოსა და სომხეთში, ასევე ვიეტნამსა და კამბოჯაში. "ვიმპელკომის" კომპანიების ჯგუფის ლიცენზიები
მოიცავს ტერიტორიას მოსახლეობის საერთო რაოდენობით 340 მლნ ადამიანი. მომსახურების გაწევა ხორციელდება "ბილაინის" ბრენდით.
