საქართველოში, ორშაბათამდე 22 სექტემბრამდე, არამდგრადი ამინდი და ძლიერი წვიმაა მოსალოდნელი. როგორც ,,ჯი-ეიჩ-ენთან" საუბარში გარემოს ეროვნული სააგენტოს სინოპტიკოსმა სვეტა ნიორაძემ განაცხადა მომდევნო დღეების განმავლობაში ტემპერატურაც მნიშვნელოვნად დაეცემა.
,,21 სექტემბრის ჩათვლით არამდგრადი ამინდი შენარჩუნდება. ველოდებით ძლიერ წვიმას როგორც აღმოსავლეთ, ისე დასავლეთ საქართველოში. რაც შეხება ტემპერატურას დასავლეთ საქართველოში ხვალ, 19 სექტემბერს ჰაერი 24-30 გრადუსამდე გათბება, 20 სექტემბერს კი მოსალოდნელი ძლიერი წვიმა, ხოლო ტემპერატურა 19-23 გრადუსამდე შენარჩუნდება, ზეგ, 21 სექტემბერს 17-21 გრადუსამდე. აღმოსავლეთ საქართველოში ხვალ, 19 სექტემბერს ჰაერი 15-19 გრადუსამდე გათბება, 19-24 გრადუსამდე შენარჩუნდება ტემპერატურა 20 სექტემბერს, 21 სექტემბერს კი ჰაერი 20-25 გრადუსამდე გათბება", _განაცხადა ,,ჯი-ეიჩ-ენთან" საუბარში ნიორაძემ.
მისივე განმარტებით, რაც შეეხება თბილისს აქ მომდევნო დღეებში დღის განმავლობაში ტემპერატურა 19-24 გრადუსამდე შენარჩუნდება.
მისვე თქმით, გრილი და არამდგრადი ამინდი კავკასიონის ჩრდილოეთიდან შედარებით ცივი მასების გავრცელებამ განაპირობა.
