21 წლის ჯემალ ქუთათელაძის ადვოკატის ნინო არველაძის განცხადებით, მისი დაცვის ქვეშ მყოფი ჯემალ ქუთათელაძე, რომელიც სასჯელს რუსთავის #6 დაწესებულებაში იხდიდა სასტიკად ნაცემია.
მისივე განმარტებით, მსჯავრდებულს დაზიანებები თავისა და კიდურის არეში აქვს მიყენებული.
ადვოკატის განმარტებით, მისი დაცვის ქვეშ მყოფი ჯემალ ქუთათელაძე ჯერ კიდევ სასჯელაღსრულების მე-8 დაწებულებაში გადაყვანამდე ციხეში ბადრაგებმა სცემეს.
,,მიზეზი რის გამოც სცემეს არ აქვს და არ იცის. Mმაგრამ ამის დადგენა სირთულეს არ წარმოადგენს რადგან როგორც თვითონ განაცხადა ცემა ისეთ აფგილას მოხდა სადაც ოთხი კამერა ზუსტად დაინახავდა. Mმითხრა რომ ერთი კაცისგან არაა ნაცემი და რამდენიმე ერთად ურტყამდა_ბადრაგები, სასჯელაღსრულების თანამშრომლები. მითხრა რომ სასწრაფოდ გაახმაურეთ ეს ფაქტი მიმართეთ ტელევიზიას, სახალხო დამცველს, რადგან ხვალ ჩემზე რომ გახმაურდეს თავი ჩამოიხრჩო ყველამ იცოდეს, რომ თავს არ ვიკლავ ", _აცხადებს ადვოკატი.
რუსთავი-2_ის ინფორმაციით, სასჯელაღსრულების სამინისტროში აღნიშნულ ფაქტს არ ადასტურებენ და განმარტვაენ, რომ პატიმარმა სასჯელაღსრულების შეცვლისას დროს ბადრაგს წინააღმდეგობა გაუწია რის გამოც მან უმნიშვნელო დაზიანებები მიიღო.
შეგახსნებთ, რომ რამდენიმე დღის წინ ასევე სასჯელაღსრულების N6 დაწესებულებაში სამართლებრივი რეჟიმის განყოფილების ორმა ინსპექტორმა რიგითი შემოვლის დროს 1963 წელს დაბადებული მსჯავრდებული ზ.ს. გარდაცვლილი იპოვა.
წინასწარი მონაცემებით, მსჯავრდებულმა საკანში თავი ჩამოიხრჩო.
სასჯელაღსრულებისა და პრობაციის სამინისტროს ინფორმაციით, მომხდართან დაკავშირებით დაწყებულია გამოძიება სისხლის სამართლის კოდექის 115-ე მუხლით. გამოიძიებას პროკურატურის ზედამხვედველობით აწარმოებს საგამოძიებო დეპარტამენტი.
სიკვდილის მიზეზების დასადგენად უკვე დანიშნულია სასამართლო-სამედიცინო ექსპერტიზა და გარდაცვლილი გადასვენებულია სამხარაულის სახელობის სასამართლო ექსპერტიზის ეროვნულ ბიუროში.
