დღეს, 19 სექტემბერს, 14:00 საათზე, თბილისის საქალაქო სასამართლოში, ბიზნესმენ დავით კოდუას ცემის ბრალდებით დაკავებული ნოშრევან ნამორაძის სასამართლო პროცესი გაიმართება.
ნამორაძის ადვოკატი მისი დაცვის ქვეშ მყოფისთვის არასაპატიმრო აღკვეთის ღონისძიების შუამდგომლობას დააყენებს.
ნოშრევან ნამორაძისთვის პირველად წარდგენილი ბრალი სსსკ-ის 118-ე მუხლი - ჯანმრთელობის განზრახ ნაკლებად მძიმე დაზიანება ჯგუფურად - უფრო მსუბუქი მუხლით გადაკვალიფიცირდა, რის საფუძველზეც დაცვის მხარე მიიჩნევს, რომ ნამორაძე წინასპარი პატიმრობიდან უნდა გათავისუფლდეს.
ბიზნესმენი დავით კოდუა აბაშიძის ქუჩაზე 3 მაისს სცემეს. მას სახის არეში მრავლობითი დაზიანებები ჰქონდა მიყენებული. საქმის მასალების მიხედვით, კოდუას ნოშრევან ნამორაძე შურისძიების მოტივით გაუსწორდა.
