საგარეო საქმეთა მინისტრი მაია ფანჯიკიძე ჟურნალისტებთან უელსის სამიტზე მომხდარ დეტალებზე საუბრობს და აცხადებს, რომ რამდენიმე შეხვედრაზე რომელზეც ჩაწერილები იყვნენ მინისტრები, პრეზიდენტმა, არ დაასწრო.
მისივე განმარტებით, უელსის სამიტზე არაკოლეგიალური დამოკიდებულება იყო პრეზიდენტსა და მინისტრებს შორის.
"ჩემი საკუთარი გამოცდილებით შემიძლია გაგიზიაროთ, რომ უელსის სამიტის მიმდინარეობისას მართლაც იყო აბსოლუტურად არაკოლეგიალური დამოკიდებულება პრეზიდენტსა და მინისტრებს შორის და რამდენიმე შეხვედრაზე, რომელზეც ჩაწერილები ვიყავით მინისტრები, ჩვენ შეხვედრის დაწყებამდე ცოტა ხნით ადრე გვითხრეს, რომ ჩვენი მისვლა საჭირო არ იყო და შესაბამისად, პრეზიდენტმა ჩვენ შეხვედრებს არ დაგვასწრო. Gგარდა ამისა, ისიც უნდა ვთქვა, რომ როდესაც მოწვევა არის ფორმატით "ერთი პლუს ერთით", ეს ყოველთვის საერთაშორისო დიპლომატიურ ენაზე გულისხმობს დელეგაციის ხელმძღვანელის და საგარეო საქმეთა მინისტრის დასწრებას. არც ერთ ასეთ ფორმატში მე მონაწილეობა არ მიიღია უელსის სამიტის დროს, რადგან აბსოლუტურად აშკარა იყო, რომ ჩემი თანხლება პრეზიდენტს არ სიამოვნებდა თუ არ მიაჩნდა მიზანშეწონილად ვერ გეტყვით, რა იყო ამის მოტივაცია, მაგრამ ეს ნამდვილად ასე იყო, რომ მე მთელი შესაძლებლობები იქ კოლეგებთან ურთიერთობების დამყარების, ვერ გამოვიყენე. იყო მაგალითად, ერთი ასეთი მოწვევა, სადაც წინასწარ ვიყავი შეთანხმებული უკრაინის საგარეო საქმეთა მინისტრთან, დანიის საგარეო საქმეთა მინისტრთან, კიდევ რამდენიმე კოლეგასთან, რომ იმ ფორმატის დროს გვექნებოდა უფრო მეტი კომუნიკაცია, ეს ვერ განვახორციელე სწორედ იმიტომ, რომ პრეზიდენტმა არ ჩათვალა ჩემი დასწრება იმ ფორმატებზე, რომლებზეც ბუნებრივად უნდა ყოფილიყო გათვალისწინებული საგარეო საქმეთა მინისტრის მონაწილეობა. მე ძალიან ვწუხვარ, რომ ეს ასე იყო, მაგრამ მიუხედავად ჩემი რამდენიმე მცდელობისა წარუმატებელი იყო და იმ შეხვედრებზე ვერ მოვხვდი", _აცხადებს ფანჯიკიძე, რომელმაც განმარტება ჟურნალისტებთან არაბთა გაერთიანებულ საიმიროებში გააკეთა.