,,ნაცმოძრაობის" დეპუტატი გიორგი ღვინიაშვილი ,,ქართული ოცნების" ადვოკატის მიერ გაკეთებულ განცხადებას ეხმიანება და აცხადებს, რომ აღნიშნული ცხადყოფს, რომ ათი თვის ბარბარე რაფალიანცის მკვლელობის საქმე დაგეგმილი იყო და ის ,,ქართულმა ოცნებამ" პოლიტიკური მიზნებისთვის გამოიყენა.
,,ქართული ოცნების" ადვოკატის მიერ გაკეთებულმა განცხადებამ კიდევ უფრო გააღრმავა ეჭვი, რომ ათი თვის ბარბარე რაფალიანცის მკვლელობის საქმე დაგეგმილი იყო და კიდევ უფრო გააღრმავა ეჭვი, რომ ეს ფაქტი გამოყენებული იქნა ,,ქართული ოცნებისა" და მისი პოლიტიკური ხელმძღვანელობის მხრიდან. მათ შორის დღევანდელი პრემიერ-მინისტრის ირაკლი Eღარიბაშვილის მიერ პოლიტიკური მიზნებისთვის", _განაცხადა ღვინიაშვილმა.
შეგახსენებთ, რომ ,,თავისუფლებისა და მხარდაჭერის ცენტრის" წარმომადგენელი, ადვოკატი რომეო საჯაია ავრცელებს ვიდეოს ათი თვის ბარბარე რაფალიანცის მკვლელობასთან დაკავშირებით.
ვიდეოში ასახულია ,,ქართული ოცნების" ადვოკატის ლალი ბიწოშვილის აღიარებით ჩვენებას, რომელიც 2014 წლის 6 თებერვალსაა ჩაწერილი.
ადვოკატი ათი თვის ბარბარე რაფალიანცის მკვლელობაში ,,ქართულ ოცნებას" ადანაშაულებს.
მისივე განმარტებით, აღნიშნულის ერთ-ერთი ორგანიზატორი ამჟამინდელი კულტურისა და ძეგლთა დაცვის მინისტრი მანანა ბერიკაშვილი.
ბიწოშვილის თქმით, მას ბარბარე რაფალიანცის ოჯახი უნდა დაერწმუნებინა, რომ მათი ადვოკატი იქნებოდა.
,,მე ამ სიმართლეს ვამბობ ახლა, ვამბობ მთელი კატეგორიულობით და ვაცხადებ, რომ ეს არის ,,ქართული ოცნების" გაკეთებული, ეს არის მანანა ბერიკაშვილის გაკეთებული. Mიუხედავად იმისა, რომ ,,ქართული ოცნება" იძახოდა, რომ ეს იყო ,,ნაციონალური მოძრაობის" გაკეთებული გამოდით ნაციონალებო, ღვინიაშვილო მოხსენი კანდიდატურა. კახეთში ,,ნაციონალებმა" მიუხედავად ამისა არჩევნები მაინც მოიგეს.Dდარწმუნებული ვარ, არჩევნებში ,,ქართული ოცნების" გამარჯვებაში იმოქმედა იმან, რომ ბარბარე რაფალიანცის მკვლელობა ,,ნაციონალებს" დაბრალდა", _აცხადებს ბიწოშვილი.
ამასთან აღნიშნული დანაშაულის დაფარვას ხელს უწყობდნენ ამჟამინდელი შსს გენ-ინსპექციის უფროსი ვარლამ ხათრიძე) და გენ-ინსპექციის ყოფილი უფროსი ზვიად ჯანყარაშვილი (თამაზ თამაზაშვილის დისშვილი).
10 თვის ბარბარე რაფალიანცი 2012 წლის 30 სექტემბერს, გურჯაანის რაიონის სოფელ კოლაგში, საძინებელი ოთახის გვერდით მდებარე მარანში, წყლით სავსე ქვევრში გარდაცვლილი იპოვეს. ქვევრს ზემოდან ქვა ჰქონდა დაფარებული. გოგონას დეიდამ დალი მექერიშვილმა, რომელიც საარჩევნო უბანზე „ქართული ოცნების" წარმომადგენელი იყო, ბავშვის მკვლელობა არჩევნებს დაუკავშირა, „ქართული ოცნების" წარმომადგენლებმა კი დანაშაულის ორგანიზებაში ყოფილი გუბერნატორი გიორგი ღვინიაშვილი დაადანაშაულეს, რომელიც 1 ოქტომბრის არჩევნებისთვის გურჯაანში კენჭს „ნაციონალური მოძრაობიდან" იყრიდა.