დეპუტატი ზაქარია ქუცნაშვილი პრეზიდენტ გიორგი მარგველაშვილთან შეხვედრას პოზიტიურად აფასებს და აცხადებს, რომ მოხდა ბევრ საკითხზე შეთანხმება. როგორც ქუცნაშვილმა შეხვედრის დასრულების შემდეგ ჟურნალისტებთან განაცხადა პრეზიდენტი უახლოეს პერიოდში საპარლამენტო უმრავლესობას შეხვდება და უპასუხებს იმ კითხვებს, რომლებიც დეპუტატებს აქვთ.
,,შევთანხმდით მთელ რიგ საკითხებზე, პირველი ის რომ საპარლამენტო უმრავლესობასთან კომუნიკაციის დალაგებისთვის აუცილებელია სისტემატიური შეხვედრებისთვის ხელის შეწყობა და პრეზიდენტმა გამოთქვა მზაობა უახლოეს პერიოდში შეხვდება საპარლამენტო უმრავლესობას და ყველა შეკითხვას რაც დეპუტაციის შიგნით არსებობს პასუხი გასცეს. Aასევე შევთანხმდით საგარეო ვიზიტის განხორციელებისას როგორ ხედავს ის თავის ფუნქციას საქართველოს კონსტიტუციის ძალით. Mმე მას განუმარტე და ის ადასტურებს და აღიარებს, რომ მისი საგარეო ურთიერთობის უფლებამოსილების განხორციელებისას ის შეზღუდულია მთავრობის თანხმობის გარეშე მოლაპარაკების ნაწილში, მთავრობის შეთანხმების გარეშე საერთაშორისო შეთანხმების, ან ხელშეკრულების დადების, მთავრობის თანხმობის გარეშე ელჩების დანიშვნის. Pპრეზიდენტი იზიარებს იმ შეზღუდვას რაც ვრცელდება საგარეო ურთიერთობის წარმოებაში მისი უფლებამოსილების განხორციელებისას", _განაცხადა ქუცნაშვილმა.