იურისტი თამარ გურჩიანი ,,ჯი-ეიჩ-ენთან" საუბარში შსს მიერ გამოქვეყნებული სტატისტიკის შეფასებისას აცხადებს, რომ ხელისუფლება დაკავებულია კრიმინალის მიჩქმალვით და არა კრიმინალთან ბრძოლით.
მისივე განმარტებით, რეალუირად გაზრდილი კრიმინალის წინააღმდეგ რეიდებით პასუხი არაეფექტურია.
,,ნებისმიერი საჯარო ინფორმაციის გამოქვეყნება, რა თქმა უნდა, მისასალმებელია. თუმცა ამ სიტუაციაში როცა ყველა ხედავს, პოლიცია რეპრესიულ პოლიტიკაზე გადავიდა, დაიწყო რეიდები და ამით ჰგონია, ქვეყანაში კრიმინოგენულ ვითარებას შეებრძოლება და პირიქით კრიმინალი კიდევ უფრო გაიზარდა, რეალუირად გაზრდილი კრიმინალის წინააღმდეგ რეიდებით პასუხი არაეფექტურია. ვფიქრობ, პირიქით რეიდები ადამიანის თავისუფლების უფლებების დარღვევაა, როცა მათ უმიზეზოდ აჩერებენ ქუჩაში და ჩხრეკენ. შესაბამისას ადამიანს უფლებების დარღვევით კრიმინალს არ უნდა პასუხობდნენ. ხელისუფლება დაკავებულია კრიმინალის მიჩქმალვით და არა კრიმინალთან ბრძოლით. მათ უფრო აინტერესებთ ის თუ ჩვენ რას ვფიქრობთ კრიმინალთან დაკავშირებით, ვიდრე რეალურად გაიზარდოს უსაფრთხოება", _აცხადებს გურჩიანი ,,ჯი-ეიჩ-ენთან" საუბარი.
შეგახსენებთ, რომ შინაგან საქმეთა სამინისტრო 8 თვის და აგვისტოს თვის დანაშაულის სტატისტიკას აქვეყნებს რომლის თანახმად, 2014 წლის აგვისტოს თვეში შსს-ს ტერიტორიული დანაყოფების საგამოძიებო ქვემდებარეობის მიხედვით რეგისტრირებულია 2405 დანაშაული, რომელთაგან გაიხსნა 1277 დანაშაული. დანაშაულის გახსნის პროცენტია 53,1%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -19,27 %.
2014 წლის იანვარ-აგვისტო, შსს-ს ტერიტორიული დანაყოფების საგამოძიებო ქვემდებარეობის მიხედვით:
2014 წლის იანვარ-აგვისტოს თვეებში შსს-ს ტერიტორიული დანაყოფების საგამოძიებო ქვემდებარეობის მიხედვით რეგისტრირებულია 17458 დანაშაული, რომელთაგან გაიხსნა 10583 დანაშაული. დანაშაულის გახსნის პროცენტია 60,62%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -17,05 %.
