იურისტი თამარ გურჩიანი ,,ჯი-ეიჩ-ენთან" საუბარში ქვეყანაში გაზრდილ კრიმინოგენულ ვითარებაზე საუბრობს. როგორც გურჩიანი აცხადებს, მოსახლეობა უსაფრთხოების შეგრძნებას ნელ-ნელმა კარგავს, ისევე როგორც პოლიციის მიმართაც ნდობას.
მისივე განმარტებით, შსს ინსტიტუციურად სრულიად დეპარალიზირებულია, რადგან თავად შს მინისტრი ალექსანდრე ჭიკაიძე პროფესიულად რიგითი პოლიციელის საკვალიფიკაციო მოთხოვნებსაც ვერ აკმაყოფილებს.
,,ვფიქრობ, რომ უსაფრთხოების შეგრძნებას ნელ-ნელმა ვკარგავთ, ისევე როგორც პოლიციის მიმართაც ნდობას. Aამის მიზეზი არის ის რომ ცალკეულ კრიმინალურ დანაშაულზე პოლიციის პასუხი ადეკვატური არ არის. მათი მხრიდან ხშირად აქვს ადგილი უფლებამოსილების გადამეტების ფაქტებს. ამასთან შსს ინსტიტუციურად სრულიად დეპარალიზირებულია იმიტომ რომ თავად შს მინისტრი ნამდვილად არ არის კარგი მაგალითი პოლიციელებისთვის. იგი პროფესიულად რიგითი პოლიციელის საკვალიფიკაციო მოთხოვნებსაც ვერ აკმაყოფილებს. Aამიტომ ასეთ ვითარებაში, ბუნებრივია, კრიმინალი იზრდება, ბუნებრივია, დამნაშავეებს უფრო მეტი თავდაჯერებულობა აქვთ და, ბუნებრივია, ეს მოსახლეობის ხარჯზე ხდება. შესაბამისად მოსახლეობა კარგავს უსაფრთხოების განცდასაც, პოლიციის მიმართ ნდობასაც. Aამიტომ სიტუაცია სანამ რეალურად ქაოსში არ გადაზრდილა მთავრობამ რადიკალურ ზომებს უნდა მიმართოს", - განაცხადა ,,ჯი-ეიჩ-ენთან" საუბარში გურჩიანმა.
