სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილი პრეზიდენტსა და პრემიერს შორის არსებულ დაპირისპირებაზე კიდევ ერთ განმარტებას აკეთებს. როგორც მინისტრმა ,,ქორთიარდ მარიოტში" ჟურნალისტებთან განაცხადა პრეზიდენტ გიორგი მარგველაშვილს სჭირდება დახმარება იმის გარკვევაში თუ სად გადის პასუხისმგებლობის სფეროებში ზღვარი.
,,პრეზიდენტს სჭირდება დახმარება. Dდახმარება იმის გარკვევაში მართლაც სად გადის პასუხისმგებლობის სფეროებში ხაზები და შესაბამისად ამ ამის შემდეგ შეიძლება თამამად საუბარი ვინ რისი გარანტორია, ვინ ვისი აღმასრულებელია. ჩვენ მხრიდან კიდევ ერთხელ ვიმეორებ პრემიერის, მთავრობის, მხრიდან ასეთი მზაობა არის. მაგრამ ეს მზაობა დაყრდნობილი უნდა იყოს ურთიერთპატივისცემაზე", _განაცხადა პეტრიაშვილმა.