პარტია „ქართული ოცნება-დემოკრატიული საქართველოს" ყოფილი წევრი მურმან დუმბაძე მიიჩნევს, რომ მისი პარტიიდან გარიცხვა ყოფილ პრემიერს ბიძინა ივანიშვილს უკავშირდება და არა აჭარის მთავრობის წინააღმდეგ უნდობლობის გამოცხადების პროცედურას. როგორც დუმბაძემ ,,პრაიმ ტაიმში'' სტუმრობისას განაცხადა მასსა და ბიძინა ივანიშვილს შორის დაპირისპირება აზიზეის მეჩეთის მშენებლობის საკითხს უკავშირდება.
„ აზიზეის მეჩეთის მშენებლობას უკავშირდება ჩვენი კონფლიქტი. ჯერი კიდევ წელიწადნახევრის წინ როცა პრემიერ-მინისტრი ბიძინა ივანიშვილი იყო. Mმე მას ვუთხარი რომ აზიზეის სახელობის მეჩეთი ბათუმში ვერ და არ აშენდება, წერტილი დასმულია. ნახევარი წლის განმავლობაში ყოფილი პრემიერ-მინისტრი არ მელაპარაკებოდა, იმიტომ რომ აზიზიეს მეჩეთზე ჩვენ ვერ შევთანხმდით, - აცხადებს დუმბაძე.
მისივე განცხადებით, ხელისუფლება არასწორი გზით მიდის.
პარლამენტის ვიცე-სპიკერი, კოალიცია ,,ქართული ოცნების" წევრი მურმან დუმბაძე გუშინ პარტია ,,ქართული ოცნება-დემოკრატიული საქართველოდან" გარიცხეს.
,,მურმან დუმბაძე გარიცხულია ქართული ოცნებიდან! " - განაცხადა ირაკლი ღარიბაშვილმა.
პრემიერის თქმით, დუმბაძე უხეშად ერეოდა აჭარის მთავრობის საქმიანობაში.