რუსეთის პრეზიდენტმა ვლადიმერ პუტინმა რუსი მედესანტეების კოლონის განადგურების ბრძანება გასცა. შესაბამისი განცხადება უკრაინის თავდაცვის მინისტრმა ვალერი გალეტეიმ გააკეთა.
მისი თქმით, 25 აგვისტოს, უკრაინის ტერირორიაზე რუსეთის რეგულარული ჯარების შემოყვანამ გაამწვავა ვითარება, განსაკუთრებთ ილოვაისკთან. დარტყმის ქვეშ აღმოჩნდნენ როგორ უკრაინელი, ასევე რუსი სამხედროები.
„რუსეთის ჯარები იყენებდნენ „ტულპანის" სისტემებს, ასევე ძლიერი იარაღი იყო გამოყენებული უკრაინული მხრიდანაც", - განაცხადა მინისტრმა.
მინისტრის თქმით, როდესაც, რუსული მხარე მიხვდა, რომ წინა ხაზზე მყოფი მედესანტეები შესაძლოა განადგურებულიყვნენ, მიღწეულ იქნა შეთანხმება მათი კოლონის გაყვანის შესახებ.
მინისტრის განმარტებით, უკრაინის მხარე დარწმუნებული იყო, რომ კოლონა გავიდოდა უსაფრთხოდ.
„როდესაც კოლონამ მოძრაობა დაიწყო და რუსეთის მხარემ მიიღო ეს ინფორმაცია, რა თქმა უნდა ინფორმაცია მიიღიო პრეზიდენტ პუტინმაც", -დარწმუნებით აცხადებს უკრაინის თვდაცვის მინისტრი.
მინისტრის განცხადებით, ამის შემდეგ სწორედ ვლადიმერ პუტინმა გასცა ბრძანება ცეცხლის გახსნის და კოლონის განადგურების შესახებ და გამორიცხულია, არ სცოდნოდა, რომ პირველ რიგში სწორედ რუსი მედესანტეები დაიღუპებოდნენ.
