ვიცე-პრემიერის კახა კალაძის განცხადებით, აჭარის მაჟორიტარი დეპუტატი, პარლამენტის ვიცე-სპიკერი მურმან დუმბაძე აქტიურად ერეოდა აჭარის მთავრობის მუშაობაში, კერძოდ, თუ ვინ რომელ თანამდებობაზე უნდა დანიშნულიყო. ამიტომ პოლიტსაბჭომ შესაბამისი გადაწყვეტილება მიიღო.
,, ბატონი დუმბაძე ერეოდა, თუ ვინ უნდა ყოფილიყო აჭარაში საკრებულოს წევრი, ვინ სად უნდა დანიშნულიყო, პირადად ერეოდა ხაბაძის უფლებამოსილებებში. არაერთხელ იქნა გაფრთხილებული ჯერ კიდევ როდესაც ბატონი ბიძინა ივანიშვილი იყო ქვეყნის პრემიერ-მინისტრი, მაგრამ ბატონი დუმბაძე ჩვეულ რეჟიმში აგრძელებდა მუშაობას და ჩვენ მივიღეთ გადაწყვეტილება", _ განაცხადა კალაძემ ,,ქართული ოცნების" პოლიტსაბჭოს დასრულების შემდეგ.
პარლამენტის ვიცე-სპიკერი კოალიცია ,,ქართული ოცნების" უკვე ყოფილი წევრი მურმან დუმბაძე დღევანდელი პოლიტსაბჭოს სხდომის გადაწყვეტილებით, ,,ქართული ოცნებიდან" გარიცხეს.