საპარლამეტო უმრავლესობის ლიდერის დავით საგანელიძის განცხადებით, აჭარის დეპუტატებს უფლება აქვთ, რომ მურმან დუმბაძის კანდიდატურა ვიცე-სპიკერის თანამდებობიდან გამოიწვიონ და აღნიშნულ პოსტზე სხვა კანდიდატურა წარადგინონ.
,,აჭარის დეპუტაციას უფლება აქვს გამოითხოვოს თავისი ვიცე-სპიკერი და დააყენოს საკითხი მისი გამოწვევის და შემდგომ დააყენოს პარლამენტის თავმჯდომარის წინაშე სხვისი კანდიდატურა", _განაცხადა ჟურნალისტებთან საგანელიძემ.
მისვე განმარტებით, აღნიშნულ საკითხზე, ჯერჯერობით, გადაწყვეტილება მიღებული არ არის.
პარლამენტის ვიცე-სპიკერი კოალიცია ,,ქართული ოცნების" უკვე ყოფილი წევრი მურმან დუმბაძე დღევანდელი პოლიტსაბჭოს სხდომის გადაწყვეტილებით, ,,ქართული ოცნებიდან" გარიცხეს.