15-21 სექტემბერს ბათუმი ფრინველებზე დაკვირვების ფესტივალს უმასპინძლებს. როგორც აჭარის ტურიზმის დეპარტამენტში აცხადებენ, შავი ზღვის სანაპირო, კერძოდ, ბათუმის შემოგარენი, ხელვაჩაურისა და ქობულეთის მუნიციპალიტეტების სოფლები, მტაცებელი ფრინველების მრავალრიცხოვანი მიგრაციის ერთ-ერთი ყველაზე ვიწრო დერეფანია, სადაც ყოველწლიურად 1 000 000-ზე მეტი გადამფრენი მტაცებელი ფრინველი აღირიცხება.
„სწორედ, ამ ფაქტის გამო აღნიშნული ადგილები მსოფლიოში ფრინველების მიგრაციაზე დაკვირვების მოცულობით მესამეა. იგი ცნობილია "აღმოსავლეთ შავი ზღვის სამიგრაციო დერეფნის" სახელით. აქ შემოდგომის პერიოდში სკანდინავიიდან, რუსეთის ტყეებიდან და ცენტრალური აზიიდან 35 სახეობის გადამფრენი მტაცებელი მიფრინავს სამხრეთით აფრიკისაკენ გამოსაზამთრებლად. სწორედ რეგიონის უნიკალური ტოპოგრაფია და კლიმატი განაპირობებს ამდენი ჩიტის ერთ ადგილზე თავმოყრას, რაც დაუვიწყარი შტაბეჭდილებების მიღების უტყუარი წინაპირობაა", - აცხადებენ აჭარის ტურიზმის დეპარტამენტში.
ფესტივალის გრაფიკი ასეთია:
დღე I (15 სექტემბერი)
• 11:00 - ფესტივალის გახსნითი ცერემონია
• 15:00 - ფრინველებზე დაკვირვება შავი ზღვის სანაპიროდან
• 19:00 - კონფერენცია სასტუმროში
დღე II (16 სექტემბერი)
• 6:00 - ფრინველებზე დაკვირვება სათვალთვალო ადგილებიდან
• 15:00 - ფრინველებზე დაკვირვება სოფელი სახალვაშოდან
• 20:00 - კონფერენცია სასტუმროში
დღე III (17 სექტემბერი)
• 6:00 - მტაცებელ ფრინველებზე დაკვირვება კოლქეთის ჭაობიდან
• 12:00 - ფრინველებზე დაკვირვება ისპანის ჭაობიდან
• 19:00 - კონფერენცია სასტუმროში
დღე IV (18 სექტემბერი)
• 7:00 - მტაცებელ ფირნველებზე დაკვირვება, ბაზიერებზე ბათუმის ბოტანიკურ ბაღთან
• 14:00 - მგზავრობა მტირალას ეროვნულ პარკში
• 20:00 - კონფერენცია სასტუმროში
დღე V (19 სექტემბერი)
• 7:00 - ფრინველებზე დაკვირვება პეტრას ციხიდან
• 16:00 - შეხვედრა სხვადასხვა ორგანიზაციებთან და დისკუსიები შერჩეული თემების შესახებ
დღე VI (20 სექტემბერი)
• 6:00 - მგზავრობა დასავლეთ საქართველოში (ქუთაისი, წყალტუბო)
დღე VII (21 სექტემბერი)
• 7:00 - ფრინველებზე დაკვირვება სახალვაშო სათვალთვალო ადგილებიდან
• 16:00 - ფესტივალის შედეგების შეჯამება, დასკვნითი ცერემოია
• 18:00 - ფესტივალის დახურვა და საღამო წვეულება ფესტივალის მონაწილეებისათვის
