,,ნაცმოძრაობის" წევრის პავლე კუბლაშვილის განცხადებით, თეთრიწყაროს რაიონის სოფელ ორბეთში არსებულ კრიმინალებს შსს თანამშრომელი მფარველობს. როგორც პარტიის ოფისში გამართულ პრესკონფერენციაზე კუბლაშვილმა განმარტა ადგილობრივი მოსახლეობას ორბეთის ყოფილი რწმუნებული მამუკა ბექაურები და მისი ძმა სერგო ბექაური აშანტაჟებენ, რომელთაც შს მინისტრის დის ქმარი მიხეილ წამალაშვილი მფარველობს.
,,მთელი სოფელი აცხადებს, რომ ისინი არიან შიშის, შანტაჟის ქვეშ ამ ადამიანების მხრიდან. Uუფრო მეტიც მაისის თვეში ამ ადამიანებმა მოკლეს სოფელ ორბეთის მკვიდრი მიხეილ წიკლაური. Aამ საქმეზე არა თუ დამნაშავეები არ არიან დაკავებული, რეალურად გამოძიებაც არ მიმდინარეობს. გამოძიებაზე საუბარი დაიწყო მას შემდეგ რაც ერთ-ერთმა ტელეკომპანიამ აღნიშნული ფაქტი გააშუქა, მაგრამ გამოძიება თავიდანვე არასწორი გზითაა წასული ", _განაცხადა კუბლაშვილმა.
კუბლაშვილის განმარტებით, საქმეზე გამოძიება ცემის კვალიფიკაციით მიმდინარეობს რაც არასწორია მაშინ როცა არსებობს ჩვენება თუ როგორ ურტყამდა ალმატურას სოფლის ყოფილი რწმუნებული მამუკა ბექაური მიხეილ წიკლაურს.
,,მათ მფარველობს შს მინისტრის დის ქმარი ვინმე მიხეილ წამალაშვილი, რომელიც შსს მუშაობს და ახლო მეგობარია ძმები ბექაურების", _განაცხადა ჟურნალისტებთან კუბლაშვილმა.
